Lajme

Po bartte dru ilegalisht në Shtërpcë, të dyshuarit i konfiskohet automjeti

Autori: Gazeta inFokus 12:07 | 28 October 2023

Në fshatin Brod të Shtërpcës, mëngjesin e sotëm është konfiskuar një furgon i cili po transportonte dru ilegalisht nga malet.

Ndaj shoferit është shqiptuar fletëparaqitje gjobë nga Drejtoria për Administrimin e Parkut Kombëtar “Sharri”.

“Policia ka njoftuar edhe zyrtarët e Drejtorisë për Administrimin e Parkut Kombëtar ‘Sharri’, të cilët kanë dalë në vendin e ngjarjes dhe kanë shqiptuar fletëparaqitje ndaj një personi për transport ilegal”, bëhet e ditur në komunikatën e Policisë Rajonale të Ferizajt.

-Advertisement-

Policia e Kosovës ka kërkuar nga qytetarët që nëse kanë informacione rreth prerjes, transportit apo shitjes ilegale të druve, të njoftojnë menjëherë policinë.

Subscribe në YouTube: GAZETA INFOKUSI