Sport

“Play off”-et, shorti më 17 tetor. Sllovakia e Hamsik mbetet jashtë

Autori: Gazeta inFokus 09:47 | 11 October 2017

Kualifikueset e zonës europiane për Botërorin “Rusi 2018” kanë përfunduar zyrtarisht, duke dhënë edhe verdiktet e tij me 9 bileta të prera nga fituesit e grupeve, ndërkohë që 4 të tjera do të diskutohen në fazën “play off”, shorti i së cilës do të hidhet më 17 tetor.

“Viktima” më e pafajshme në këtë mes është Sllovakia, një ekip që edhe pse zuri vendin e dytë në grupin F (me Anglinë, Skocinë, Slloveninë, Lituaninë dhe Maltën), nuk do të mund të bëjë gjë tjetër veçse ta shohë Botërorin nga shtëpia. Kjo për shkak se rezulton kombëtarja me më pak pikë nga 9 vendet e dyta të grupeve.

Të premten e ardhshme, Zvicra, Italia, Danimarka dhe Kroacia do të shmangin përballjet mes tyre, ndërkohë që do të presin në ankth goglat e shortit që do t’i vendosë përballë Suedisë, Irlandës së Veriut, Greqisë dhe Republikës së Irlandës.

-Advertisement-

Ndërkohë, të kualifikuarat nga Europa janë Franca, Portugalia, Gjermania, Serbia, Polonia, Anglia, Spanja, Belgjika dhe Islanda, fitueset respektive të grupeve nga A në I.

Subscribe në YouTube: GAZETA INFOKUSI