Platforma që e bën Thaçin udhëheqës të dialogut, përçan partitë politike
Autori: Gazeta inFokus 09:30 | 03 June 2018
Nesër pritet që në Kuvendin e Kosovës të diskutohet për platformën e dialogut me Serbinë, të cilën në legjislativ e ka proceduar qeveria.
Sipas kësaj platforme udhëheqës i fazës finale të bisedimeve do të jetë presidenti Thaçi.
“Kuvendi i Republikës së Kosovës konfirmon që Presidenti i Republikës së Kosovës dhe Delegacioni i Kosovës që do të krijohet në koordinimin me të gjithë spektrin politik, në respektim maksimal të unitetit politik në vend, janë të autorizuar të zhvillojnë bisedimet për arritjen e Marrëveshjes ligjore ndërkombëtarisht të obligueshme”, thuhet në platformën që do të diskutohet nesër në Kuvend, shkruan lajmi.net.
Por deri më tani partitë politike nuk kanë gjetur gjuhë të përbashkët për miratimin e kësaj platform. E problemi kryesor po del të jetë presidenti i vendit.
Lidhja Demokratike e Kosovës deri më tani nuk e ka bërë të qartë qëndrimin e saj nëse do t’i jep mbështetje Thaçit. Madje ka pasur raportime se në këtë parti ka pasur edhe dy grupe sa i përket kësaj çështje.
Por shefi i grupit parlamentar të LDK-së, Avdullah Hoti në konferencën e përjavshme të premten, theksoi se më shumë se individi kush e udhëheq dialogun, ka rëndësi formati dhe temat e diskutimit.
“Tema se kush duhet t’i udhëhe bisedimet nuk është tema më e rëndësishme, duhet të dakordohemi për formatin, temat”, deklaroi Hoti.
Por kundër Thaçit deri më tani kanë dalur “gjenerata e re” e LDK-së që edhe publikisht kanë thënë se janë kundër kësaj platforme.
Në të njëjtën linjë është edhe Vetëvendosja e Albin Kurtit. Ky i fundit dje theksoi se duke parë mënyrën se si ka ecur dialogu, ai për momentin duhet të ndërprehet.
Dy partitë opozitar platformën e qeverisë për dialogun e kanë cilësuar si të cekët dhe pa përmbajtje.
Edhe brenda koalicionit qeverisës ka qëndrime të ndryshme sa i përket kësaj teme.
PDK-ja në njërën anë që e përkrah udhëheqjen e Thaçit në dialog, kurse në anën tjetër Nisma e Fatmir Limajt që është kategorikisht kundër.
Limaj dje theksoi se temat nacionale të vendit nuk duhet të lidhen me individët.
Ndryshe, zyrtarë nga presidenca vazhdimisht kanë deklaruar se udhëheqja e dialogut nga Thaçi është e drejtë që ia jep edhe Kushtetuta.
Të tjera
-
Zbardhet fjalimi – Pjetër Shala: “M’u shkatërrua jeta!”
“Kam shumë për të thënë, por shumicën e fjalëve i shprehën avokatët e mi, kan...
-
Kurti në Stamboll mburret me ushtrinë, tregton problemet me Serbinë
E diela e 2 qershorit shënon ditën e tretë të vizitës zyrtare që një delegaci...
-
Parashikimi i motit për pesë ditët e ardhshme
Instituti Hidrometeorologjik i Kosovës ka bërë të ditur se gjatë pesë ditëve ...
-
MPJD pyetjet për deklaratat e Presidentes Osmani i quan spekulime
Spekulime e thashetheme, i ka quajtur zyra e kryediplomatës së Kosovës, Donik...
-
Grupi i parë i haxhilerëve nga Kosova arrin në Mekë
215 besimtarët e parë nga Kosova, të cilët sot në mëngjes janë nisur drejt ve...
-
Mbyllen votimet në Preshevë e Bujanoc
Procesi i votimit në dy komunat e Luginës së Preshevës, Preshevë dhe Bujanoc ...
-
Fronti Europian miratoi Deklaratën Politike mbi legjitimitetin etnik që buron nga zgjedhjet
Sot në Tetovë, të gjitha organet partiake, por edhe përfaqësuese në pushtetin...
-
Reporteri i luftës Nuhi Bytyçi nesër dëshmon në Hagë në procesin Thaçi dhe të tjerët
Reporteri i luftës Nuhi Bytyçi, nesër më datë 3 qershor do të dëshmojë në Hag...
-
Ministria e Financave thotë se skema e re sociale eliminon kriteret diskriminuese
Ministria e Financave ka filluar pilotimin e reformës se skemës të asistencës...
-
Ambasadori italian në Serbi: Asociacioni është kusht për pranimin e Kosovës në KiE
Ambasadori i Italisë në Serbi, Luca Gori, ka theksuar se formimi i Asociacion...
-
Në Pagarushë zbulohet lapidari për dëshmorët dhe të rënët e fshatit
Ditën e së dielës, në fshatin Pagarushë u bë zbulimi i lapidarit, përkatësish...
-
Tahiri: Kurti nuk heqë dorë nga privilegjet dhe xhipat e zi
Shefi i Grupit Parlamentar të AAK’së, Besnik Tahiri, ka thënë se kryeministri...