Planifikimi për atentat ndaj Abdixhikut dhe tre deputetëve të LDK-së, edhe AKI pjesë e hetimeve
Autori: Elvira Haxhiu 11:47 | 19 January 2023
Të mërkurën është bërë e ditur për një planifikim për atentat ndaj kryetarit të Lidhjes Demokratike të Kosovës, Lumir Abdixhiku dhe deputetëve të kësaj partie, Avdullah Hoti, Armend Zemaj dhe Arben Gashi.
Eksperti i sigurisë, Bedri Elezi, në një prononcim për Gazetën Infokus ka thënë se hetimet e Policisë së Kosovës lidhur me këtë rast janë duke u mbështetur edhe nga Agjencia e Kosovës për Inteligjencë (AKI) si dhe shërbime të Inteligjencës të shteteve mike të vendit.
Ai madje konfirmon se tashmë dihen edhe emrat e të dyshuarve që kanë planifikuar këtë atentat, mirëpo që nuk mund të bëhen publik për shkak se e pengon procesin e hetimeve.
“Në këto momente kur janë duke zhvilluar hetime intensive nga policia e Kosovës e cila është duke u mbështetur edhe nga Agjencioni i Kosovës për Inteligjencë si dhe shërbime të Inteligjencës të shteteve mike të republikës së Kosovës, është natyrale të mos përmendim emrat e personave apo grupeve të cilat kanë planifikuar atentatin, ngase mund të dëmtojmë seriozisht hetimet” , ka thënë ai për Infokus.
Derisa këtë planifikim për atentat Elezi po e sheh si rrezik mjaft serioz.
Gjithashtu, ai ka thënë se kemi të bëjmë me një alarm serioz sigurie për deputetët e Republikës së Kosovës.
“Në këtë rast kemi të bëjmë me një alarm serioz sigurie për deputetët e Republikës së Kosovës si dhe zyrtarët e lartë të LDK-së, andaj mund të vlerësojmë si rrezik serioz për të apostrofuarit”, ka thënë ai.
Deputeti i cili po ashtu ishte cak i këtij planifikimi për atentat, Armend Zemaj, të mërkurën ka thënë se gjithçka ka qenë në koordinim me Policinë e Kosovës.
“Nëse ekziston një mendësi në Kosovë se dikush duhet të eliminohet politikisht se përse është kundërshtarë i dikujt këtu në Kosovë ose pse i takojnë LDK-së, e shihen si kuadro që mund të udhëheqin të ardhmen me Kosovën kjo s’do koment. Nëse ata evidentohen sigurisht ata duhet trajtohen edhe në aspektin personal. Nga ajo çka është thanë motivet mund të jenë puro politike, sepse privatisht nuk kemi asgjë me askënd”, ka thënë Zemaj.
Zemaj ka përmendur edhe eksponentët e VV-së, për të cilët thotë se po ta dijë nëse janë të përfshirë në një mënyrë në këtë atentat, do të ju shkoj te dera e shtëpisë.
Ndërkaq, sipas nënkryetarit të LDK-së, Kujtim Shala ky planifikim për atentat ka motivacion politik.
“Ka të bëj me motivacion politik. Thuhet që gjithë kjo po drejtohet kundër kundërshtarit kryesor politik. Kaq ka informata. Unë s’mund të implikojë askënd në këtë mënyrë”, ka thënë Shala të mërkurën.
“Njëra organizatë pretendohet se vepron në Kosova derisa tjetra jashtë Kosovës. Ajo që vepron jashtë Kosovës ka marrë përsipër të financojë ekzekutimin e këtij plani”, ka thënë tutje ai.
Planifikimi për atentat ndaj Abdixhikut dhe deputetëve të tjerë të LDK-së, e konfirmoi edhe Policia e Kosovës.
Zëdhënësi i këtij institucioni, Baki Kelani, ka thënë për Infokus se PK ka marrë të gjitha veprimet e nevojshme policore lidhur me rastin/kanosjen në fjalë.
“Policia e Kosovës, në këtë rast drejtoria kompetente e PK-së, ka ndërmarr të gjitha veprimet e nevojshme policore lidhur me rastin/kanosjen në fjalë.
Të gjitha veprimet e mëtejme policore do të ndërmerren në bashkëpunim dhe koordinim me organet e drejtësisë”, ka thënë Kelani./Gazeta Infokus/
Të tjera
-
Nesër seancë plenare, ky është rendi i ditës
Kuvendi i Kosovës ka njoftuar se nesër do të ketë seancë plenare me fillim pr...
-
Sarrazin: Veprimet e Serbisë s’janë në përputhje me Aneksin e Ohrit – Kosova të bëjë gjithçka për t’i bindur shtetet anëtare në KiE
Emisari special i Gjermanisë për Ballkanin Perëndimor, Manuel Sarrazin, ka th...
-
Presidenca i reagon ashpër Pacollit pasi e quajti provokim veprimin e Osmanit me të mbijetuarat e lu*tës gjatë seancës në KS të OKB-së
Kryetari i AKR-së, Behgjet Pacolli, ka komentuar seancën e Këshillit të Sigur...
-
PSD-ja dorëzon kallëzim penal ndaj Liburn Aliut
Partia Socialdemokrate ka dorëzuar kallëzim penal në Prokurorinë Speciale nda...
-
KSHZ: Deri në ora 15:00 kanë votuar mbi 580 mijë qytetarë
Sipas web-faqes së Komisionit Shtetëror të Zgjedhjeve, deri në ora 15:00, për...
-
Sveçla: Serbia vazhdon të ketë aspirata territoriale ndaj Kosovës
Ministri i Punëve të Brendshme Xhelal Sveçla, e ka mirëpritur delegacionin ng...
-
Në bisedën me Macronin, Kurti përmendi edhe Radoiçiqin dhe shantazhet e Serbisë
Kryeministri i Kosovës, Albin Kurti, në bisedën telefonike të zhvilluar dje m...
-
SBAShK paralajmëron protestë më 1 maj
Sindikata e Arsimit, Shkencës dhe Kulturës (SBAShK) ka bërë të ditur se me 1 ...
-
Amerika do të dërgojë ndihma në Ukrainë këtë javë, thotë Biden
Presidenti i ShBA-së, Joe Biden, ka thënë se vendi që drejton do të dërgojë a...
-
Deri në ora 13:00 në Maqedoni të Veriut votuan mbi 26 për qind e votuesve
Nënkryetarja e Komisionit Shtetëror të Zgjedhjeve në Maqedoni të Veriut, Dimt...
-
MPB: Në një vendvotim në Shkup është hedhur bombë tymuese, janë fotografuar fletëvotime
Zëdhënësi i MPB-së, Toni Angellovski, ka informuar për rrjedhën e procesit zg...
-
Ish-komandant Qeriqi përfundon dëshminë në rastin Thaçi dhe të tjerët
Pas dy ditësh e gjysmë dëshmi, ka përfunduar dëshminë dëshmitari i 55-të i Zy...