Lajme

Plagosi gruan dhe të birin, 62-vjeçari në Maliq qëllohet për vdekje nga policia

Autori: Gazeta inFokus 10:20 | 12 August 2023

Pasi kishte refuzuar t’i dorëzohej policisë, forcat RENEA kanë ekzekutuar një 62-vjeçar në Maliq të Shqipërisë.

Burimet nga vendi i ngjarjes kanë bërë të ditur se ka pasur disa herë të shtëna me armë zjarri mes të akuzuarit dhe forcave RENEA. Ajo çka konfirmohet nga informacionet paraprake është se RENEA e vënë në pozitë të vështirë nga të shtënat me kallash nga autori, ka qëlluar drejt tij duke e lënë të vdekur në vend, raporton Euronews.al.

Ndërsa ekipet po e kontrollojnë vendin e ngjarjes, bashkëshortja dhe djali i të akuzuarit ndodhen në spitalin e Korçës pas plagëve të marrurra në kokë dhe pjesët e tjera të trupit, mirëpo ata ndodhen jashtë rrezikut për jetë.

-Advertisement-

Mbrëmjen e së premtes policia kishte shkuar në banesën e 62-vjeçarit pasi kishte marrë informacion se burri kishte plagosur me mjet prerës në këmbë bashkëshorten e tij, Pëllumbesha Muçollari 58 vjeçe dhe me mjet të fortë në kokë djalin e tij, Kamber Muçollari, 27 vjeç.

Pasi gruaja dhe djali ishin dërguar në spital,62 vjeçari ishte mbyllur në banesën e tij duke refuzuar të dorëzohet kishte qëlluar me armë zjarri në drejtim të policisë.

Subscribe në YouTube: GAZETA INFOKUSI
Etiketa:
Comodita po tërheq klientë seriozë në Panarin IMM, në Këln të Gjermanisë
-Advertisement-

Të tjera

Fokusi

lajme