Lajme

Plagoset një person në Dardani

Autori: Gazeta inFokus 15:00 | 25 April 2017

Një person ka mbetur i plagosur sot si pasojë e një përleshje fizike që ndodhi në lagjen Dardania, saktësisht në rrugën Lekë Dukagjini.

Personi në fjalë është plagosur me armë të ftohtë (thikë) përderisa kishte përdorim edhe të armës së zjarrit.

Policia e Kosovës ka bërë të ditur se menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga hetuesit e stacionit policor të jugut si dhe njësitë e tjera për ekzaminim të vendngjarjes, transmeton Indeksonline.

-Advertisement-

Si pasojë e përleshjes një person:

B, mashkull , 19 vjeç, shtetas i Republikës së Kosovës ka marrë plagë nga arma e ftohët (thikë) dhe i njëjti menjëherë është dërguar në QKUK për trajtim mjekësor.

Gjithashtu janë shkaktuar edhe dëme materiale, ku nga predhat e armës, janë dëmtuar dy automjete që kanë qenë të parkuara në afërsi të vendit ku ka ndodhë incidenti.

Në kuadër të veprimeve të saj policia me një intensitet të shtuar ka ndërmarrë një varg veprimesh operative e hetimore, me fokus zbulimin e identitetit dhe vendndodhjen e të dyshuarve të mundshëm si dhe ka zgjeruar rrethin e hetimit në përpjekje për të ndriçuar dhe sqaruar të gjitha rrethanat që kanë të bëjnë me rastin.

Si rezultat i kësaj, rreth orës 12:00, policia ka arritur të identifikoj dhe të shoqëroj në stacion policor dy persona të dyshuar.

Lidhur me gjithë këtë ngjarje, me urdhër të Prokurorit të shtetit, janë hapur rastet, vrasje e rëndë në tentative dhe armëmbajtje pa leje, thuhet në komunikatën për media./Indeksonline/

Subscribe në YouTube: GAZETA INFOKUSI