Lajme

Plagosen nënë e bir në Durrës, arrestohet autori

Autori: Gazeta inFokus 21:07 | 23 February 2021

Policia e Durrësit jep detaje për ngjarjen e rëndë që ndodhi rreth orës 20.10 në lagjen 12 të këtij qyteti ku u plagon me armë nënë e bir.

Sipas policisë pas një konflikti të çastit për motive të dobëta (për një vend parkimi), fillimisht me sende të forta, një person me iniciale J.Z, rreth 45 vjeç, ka plagosur me armë zjarri në këmbë F. Ç., rreth 23 vjeç.

“Si pasojë e të shtënave është plagosur në këmbë dhe shtetasja V. Ç., rreth 45 vjeçe, (e ëma e shtetasit F. Ç.,), e cila ndodhej në momentin e konfliktit dhe është dërguar në spital nga shërbimet e Policisë dhe ndodhet bashkë me djalin nën kujdesin e mjekëve, jashtë rrezikut për jetën” – thotë policia.

Policia tha se autori i dyshuar i plagosjes Z. J., është shoqëruar menjëherë në ambientet e Policisë së Durrësit. Një grupi hetimor ndodhet në vendngjarje dhe po punon për zbardhjen e rrethanave të ngjarjes.

Të tjera