Lajme

Plagosen dy persona me pistoletë, zhduken autorët

Autori: Gazeta inFokus 08:38 | 12 July 2017

Një telefonate rreth orës 23:29 në numrin e Emergjencave 112 ka informuar policinë për të shtëna me armë në rrugën “Sabaudin Gabrani”, në ish “Misto Mame”.
Menjëherë në vendngjarje kanë shkuar shërbimet e policisë ku ka rezultuar se nga të shtënat me armë kanë mbetur të plagosur shtetasit: Xh. V., 33 vjeç, si dhe J. SH., 25 vjeç. Shtetasit e plagosur janë transportuar në spital dhe janë jashtë rrezikut për jetën.

Policia bënë me dije se në vendngjarje është gjetur i braktisur një automjet tip Golf që paraprakisht dyshohet se është përdorur nga autorët.

Grupi hetimor ka sekuestruar disa gëzhoja të qitura nga armë zjarri pistoletë si dhe po vazhdon punën për sqarimin e rrethanave të ngjarjes.

-Advertisement-

Nga veprimet e para hetimore të kryera në vendngjarje policia ka identifikuar autorët e dyshuar, por për arsye hetimi nuk jepen të dhëna të tjera. Janë ngritur pika kontrolli në hyrje – daljet e qytetit si dhe po krihet zona përreth me qëllim kapjen e autoreve.

Subscribe në YouTube: GAZETA INFOKUSI