Pjesëtari i grupit Kumanova thotë se nuk është në dijeni ku po i çon paratë komandant Malisheva
Autori: Gazeta inFokus 20:13 | 10 January 2022
Pjesëtari i grupit të Kumanovës, Rufki Dogani, ka thënë se nuk është në dijeni se ku shkojnë paratë të cilat mblidhen për ta, nga komandant Malisheva, Muhamet Krasniqi.
Ai thotë se ka marrë vetëm 350 euro dhe 1800 Franga nga paratë e mbledhura të emër të grupit Kumanova.
“Unë, Rufki Dogani, pjesëtar i grupit të Kumanovës, nga fondi që e kanë pas Komandant Malisheva, Muhamet Krasniqi nga ky fond unë i kam marrë vetëm 350 Euro dhe 1800 Frang dhe unë më nuk kam marr para nga ky fond qe 2 vite e gjysmë dhe nuk kam dijeni ka po shkojnë parat që mblidhen për neve nga ky fond, ku po i dërgon Komandat Malisheva ato para që mblidhe në emër të grupit Kumanova”, ka shkruar ai.
Në një video, komandant Malisheva tregon se si janë mbledhur parat, duke theksuar se 10 mijë euro i ka nxjerr nga xhepi i tij. Ai thotë se nuk ka pasur hezitim nga biznesmenët që të ndihmojnë grupin Kumanova, pasi kanë pasur besim të madh në të.
“Investimet për herën e fundit qitu n’Kumanovë 10.000 i kam nxjerrë prej vetës, se kom pas shumë s’e kisha problem. Kur e kom thirr një biznesmen i kom thanë, thashë po na duhen uniformat, 500 parë uniforma m’i pagua. Tha sa duhet, thashë 40.000 euro. M’i ka pru ka 500-she krejt”.
Krasniqi thotë se janë mbledhur 51 mijë dollarë për Grupin nga donatorët.
“Një tjetër veç e thirrsha në telefon, thojsha po na duhet përkrahja, kur vishin me zarfa kanë ardhë. Veç e shkrujsha emrin kush sa ka dhanë. A po m’kupton, qaq besim që kanë pas n’mu. Unë po t’premtoj, qe sonte dëshmitar zotin e kom. 1000 prej vetes edhe 50.000 dollarë i ki gifta prej unë çka t’i thirri prej nesër si t’çohna n’mengjes e ashtu 50.000 dollarë i ki gifta. 51.000 me t’mijat. Qeshtu v’lla veç ta mujmë arabin e turkin, e sllavin e Rusinë e t’jau kajm nanën e Greqinë e qita t’i mujm’. Bahemi bashkë grusht. Qeshtu v’lla”, thotë ai në video.
Në një deklaratë për emision “Expose”, ai thotë se qëllimi i tyre ka qenë kombëtarë pa prapavija politike, mirëpo janë tradhtuar e mashtruar nga lideri i BDI-së, Ali Ahmeti. Për këtë, Krasniqi pretendon se ka informacione edhe Agjencia e Kosovës për Inteligjencë.
“Asaj që ka ndodhë, e jemi arrestua kom pas kohë me mendua edhe me debatu edhe me shokë se ku ka qenë qëllimi se kështu po del se dikush na ka fut neve këtë farë kurthe”.
“E për mu qartësua këto sene i din Shërbimi i Inteligjencës t’Kosovës. D.m.th. AKI-ja shërbimet e këtij veni, këto dyja e dinë. Ka edhe dikush prej politikanëve e dinë që përmes këtyne strukturave t’shërbimeve e kanë ba këtë far projekti me na fut n’atë kurthe për qëllime tyne jo për qëllime nashta kombëtare, por për qëllime politike”, tha ai.
Në vitin 2017, Gjykata Themelore e Shkupit ka dënuar me gjithsej 746 vjet burg pjesëtarët e grupit të Kumanovës, të akuzuar për terrorizëm për ngjarjet e 9 dhe 10 majit të vitit 2015.
Për veprën terrorizëm ishin akuzuar gjithsej 37 persona, prej të cilëve 7 me burg të përjetshëm. Të dënuarit me burgim të përjetshëm janë: Andi Krasniqi, Dem Shehu, Fadil Fejzullahu, Nasuf Zeqiri, Valdet Zekaj, Bek Bajra dhe Fejzulla Rushitovski.
Trembëdhjetë janë dënuar me nga 40 vjet burg: Esat Kafegjolli, Adrian Bujari, Shefqet Hallaqi, Betim Kabashi, Genti Sefaj, Enver Hoxha-Klajn, Rufki Dogani, Bajram Elshani, Nexhmedin Lika, Lirim Krasniqi, Sevdail Miftari dhe Fatmir Recica.
Përderisa 6 prej 37 të akuzuarve janë dënuar me nga 20 vjet burg.
Të dënuarit me nga 20 vjet burg janë: Fadil Elshani, Lirim Demiri, Hajrush Abdija, Lendrit Rustemaj, Mirsad Qerimi dhe Qenan Hiseini.
Ndryshe, në përleshjet dyditëshe më 9 dhe 10 maj të vitit 2015, janë vrarë 8 pjesëtarë të forcave policore dhe 10 pjesëtarë të grupit të armatosur.
Grupi kishte deklaruar se vendosja e tij në Kumanovë ishte bërë për shkak të shkeljes së të drejtave të shqiptarëve në Maqedoni.
Të tjera
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...