Lajme

Pjesëtarët e Grupit Kumanova nga burgu: S’i kemi rënë pishman, ideali ynë do të jetë gjithmonë bashkimi kombëtar

Autori: Gazeta inFokus 17:46 | 09 May 2022

Pjesëtarët të grupit të Kumanovës, të akuzuar e dënuar për terrorizëm për ngjarjet e 9 dhe 10 majit të vitit 2015, ndjehen ende krenarë për atë çfarë bënë 7 vjet më parë.

Në një lidhje direkte në Frontal të T7, dy nga pjesëtarët e këtij grupi thanë se nuk ka përfunduar synimi i tyre për bashkimin kombëtar.

Në përvjetorin e 7-të të asaj që ata e quajnë “beteja e Kumanovës”, njëri nga të dënuarit tha se nuk është penduar.

-Advertisement-

“Asnjëherë në jetë nuk i bimë pishman dhe ideali ynë është dhe do të jetë gjithmonë bashkimi i tokave shqiptare”, tha ai.

“Me ditë se asnjëherë nuk do të dalë nga burgu, unë do ta mbrojë UÇK-në edhe nga burgu”.

Ai e konsideron kryengritje atë përleshjen dyditëshe të vitit 2015 ku janë vrarë 8 pjesëtarë të forcave policore dhe 10 pjesëtarë të grupit të armatosur.

Për veprën terrorizëm ishin akuzuar gjithsej 37 persona, prej të cilëve 7 me burg të përjetshëm.

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Të tjera