Lajme

Pista Demiri: Nuk përfundova rrugëtimin që vëllai la në gjysmë

Autori: Gazeta inFokus 14:56 | 30 June 2017

Kandidatja për deputete nga radhët e PDK-së, Beatrisa Pista Demiri, ka falënderuar të gjithë votuesit e saj pavarësisht që nuk ka marrë votat e mjaftueshme për të siguruar një ulesh në Kuvendin e Kosovës.

Pista përmes një postimi në rrjetin social “facebook” ka shkruar se nuk ka arritur të përfundoj rrugëtimin që vëllai la në gjysmë, transmeton Infokusi.com

Kujtojmë që Pista Demiri është motra e ish kandidatit për deputet nga Partia Demokratike e Kosovës, Elvis Pista, që u vra mëngjesin e 15 qershorit 2014 në rrethana ende misterioze.

-Advertisement-

Postimin e plotë të Pistët bërë në rrjetin social “facebook” mund ta gjeni më poshtë:

Ju faleminderit nga zemra të gjithëve!

Edhe pse nuk ishte e mjaftueshme në fund, falënderoj të gjithë 6 mijë votuesit për besimin që e kanë shprehur për t’i përfaqësuar në Kuvendin e Kosovës. Vërtet ndihem krenare dhe e privilegjuar, sepse dinjitetshëm dhe pastër i kontribuam procesit demokratik.

Edhe pse nuk kam arritur të jem në mesin e atyre që do t’i përfaqësojnë qytetarë në Kuvend, ndjej obligim t’i falënderoj të gjithë qytetarët e Kosovës, qytetarët e komunës së Rahovecit, gratë e Krushës, gratë e Rahovecit, pensionistët – të gjithë, sepse ju i dhatë kuptim këtij procesi zgjedhor dhe votuat për të ardhmen e vendit.

Unë nuk do të ndalem duke punuar për Kosovën, me aq sa kam mundësi dhe kapacitet!

Deputetët e zgjedhur duhet të mos harrojnë se kanë përgjegjësi para qytetarëve dhe duhet të zgjedhin punën si kryefjalë para qytetarëve, ndryshe nuk e justifikojnë mandatin dhe votat që i kanë marrë!

Nuk arrita të përfundoj suksesshëm rrugëtimin që mora, e që e la në gjysmë vëllai im, por shpresoj se e kam bërë krenar për atë që përfaqësova. Kjo garë nuk ndikoi asnjëherë në përpjekjet e mia për të kërkuar drejtësi për të – ato vetëm sa do t’i intensifikoj.

Ju faleminderit…/INFOKUSI

Subscribe në YouTube: GAZETA INFOKUSI