Sport

Pique e pranon: Po, Messi mund të largohet falas nga Barcelona…

Autori: Gazeta inFokus 13:55 | 06 September 2019

Lajmet e orëve të fundit për Leo Messin kanë bërë xhiron e krejt botës. Sipas tyre, ylli argjentinas mund të largohet nga Barcelona falas në fund të çdo sezoni. Ky fakt konfirmohet, gjithashtu, nga gazetat kryesore katalanase dhe spanjolle të ditës së sotme. Lajmi përforcohet më shumë nga fjalët e atyre që e njohin shumë mirë mjedisin blaugrana dhe pesë herë fituesin e “Topit të Artë”.

Gerard Piqué, qendërmbrojtësi i Barcelonës, zbuloi se ai ishte në dijeni të këtij opsioni të veçantë në kontratën e kapitenit të skuadrës. Duke folur për “El Larguero”, siç raportohet nga “Mundo Deportivo”, në fakt, qendërmbrojtësi katalanas nuk ka fshehur asgjë në këtë histori: “Unë tashmë e dija që Messi mund të çlirohej vetë në fund të çdo sezoni. Ne e dimë përkushtimin e Leos ndaj Barçës, ndaj kjo nuk më shqetëson aspak. Ai fitoi gjithçka këtu, bashkë me të drejtën për të vendosur mbi të ardhmen e tij”.

Gerard Pique foli edhe për merkaton, duke fokusuar kthimin e dështuar të Neymar te Barcelona: “Ishte një “telenovelë” e kësaj vere, por tani duhet ta kthejmë faqen. Merkatoja që zgjat deri në javën e tretë të La Liga-s nuk ka kuptim”. Në fund tërheqja e tij nga kombëtarja: “Ishte vendimi im, duhet të përqëndrohem te Barça. Shpresoj që Spanja të fitojë kampionatin Europian”.

-Advertisement-

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

sport