Lajme

Pezullohet inspektori i ATK-së që u arrestua për keqpërdorim

Autori: Gazeta inFokus 09:53 | 26 Tetor 2018

Dy ditë pasi është arrestuar, inspektori i ATK-së pezullohet nga puna.

Këtë vendin e ka bërë të ditur Administrata Tatimore e Kosovës përmes një komunikate për medie, shkruan Gazeta inFokus.
Në komunikatë thuhet se pezullimi erdhi pas dyshimit për keqpërdorim të detyrës zyrtare.

“Administrata Tatimore e Kosovës njofton opinionin publik se bazuar në informatat e pranuara nga organet kompetente dhe duke u mbështetur në nenin 69 të Ligjit Nr. 03/L-149 për Shërbimin Civil të Kosovës, ka marrë vendim mbi pezullimin parandalues nga marrëdhënia e punës në ATK për një zyrtarë – inspektorë tatimorë të dyshuar për “Keqpërdorim i pozitës dhe autoritetit zyrtar” nga neni 422 dhe “Konflikt Interesi” nga Neni 424 i KPRK-së”, thuhet në komunikatë.

-Advertisement-

Tutje thuhet se çdo person që shpallet faktor do të largohet menjëherë nga vendi i punës.

“Menaxhmenti i ATK-së siguron opinionin se çdo informatë e dëshmuar për keqpërdorim të detyrës zyrtare dhe rasteve korruptive do të dërgohet në organet kompetente për trajtim, dhe ndaj të gjithëve që shpallen fajtorë për vepra penale do të ndërmerren masat e largimit nga marrëdhënia e punës në institucionin tonë.”, përfundon komunikata e ATK-së.

Policia e Kosovës të mërkurën ka bërë të ditur se ka arrestuar një inspektor i Administrates Tatimore të Kosovës nga Rajoni i Ferizajt pasu dyshohet për keqpërdorim i pozitës apo autoritetit zyrtare.

PK ka bërë gjithashtu të ditur se i arrestuari dyshohet se ka keqpërdorur pozitën apo autoritetin zyrtar gjatë periudhës kohore 2016-2018, ka ushtruar ndikim në biznese të ndryshme të rajonit të Ferizajt./Gazeta Infokus/

Lexo edhe: Arrestohet inspektori i ATK-së, dyshohet për keqpërdorim të detyrës