Lajme

Petkoviq sërish spekulon pë zgjedhjet në veri: Ishin të pranishëm “terroristët e UÇK-së me armë me gypa të gjatë”

Autori: Gazeta inFokus 10:40 | 26 April 2023

Shefi i ekipit serb të negociatorëve që po “negocion” me Kosovën, Petar Petkoviq, ka reaguar në stilin e tij, ndaj deklaratës së ministrit të brendshëm të Kosovës, Xhelal Sveçla, duke pretenduar se Sveçla po mburret me zgjedhjet e shënuara me “kontejnerë, terroristë të UÇK-së dhe armë me gypa të gjatë”.

Duke tentuar të bëhet ironik, Petkoviq ka propozuar që “kontejnerët që ishin vendosur për votime të bëhen zyrat e “okupatorëve Gauleiterë” (okupatorët nazist).
“Ju mburreni për zgjedhjet e shënuara me kontejnerë, terroristë të UÇK-së dhe armë me gypa të gjatë që ishin prezentë në qendrat e votimit dhe me pjesëmarrje prej 3.5 për qind. Dhe kur bëhet fjalë për kontejnerë, ju sugjeroj t’i përdorni për zyrat e “okupatorëve Gauleiterë”. Mos kërcënoni, sepse çdo pushtim ka një fund!”, ka shkruar Petkoviq në Twitter, duke kopjuar fjalë për fjalë fyerjet që shefi i tij Vuçiq po i përdorë ditëve të fundit.

Sveçla më herët ka thënë se kryetarët e rinj, që nga momenti i shpalljes së rezultateve përfundimtare të zgjedhjeve, janë legjitimë dhe do të shkojnë në vendet e tyre të punës, por edhe se Kosova do të përgjigjet ndaj të gjitha kërcënimeve që vijnë nga Serbia.

-Advertisement-

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera

Fokusi

lajme