Lajme

Petkoviq: Kurti po zbaton spastrim etnik në veri të Kosovës

Autori: Gazeta inFokus 10:00 | 14 June 2024

Drejtori i zyrës serbe për Kosovë, Petar Petkoviq, ka pretenduar se “kryeministri i Kosovës, Albin Kurti, nuk po pushon dhe po vazhdon të zbatojë politikën e tij të spastrimit etnik, me vendimin për dëbimin e serbëve nga banesat e tyre dhe vendosjen e shqiptarëve në veriun e Kosovës”.

Kurti nuk po pushon, ai po bën gjithçka për të vazhduar politikën e tij të spastrimit etnik dhe ky vendim, që nënkupton që serbët të largohen nga banesat e tyre, është në këtë kuptim”, ka thënë Petkoviq për televizionin publik serb RTS.

Petkoviq ka thënë se “Agjencia Kosovare e Verifikimit ka dërguar njoftime serbëve që kanë apartamente dhe që “i kanë blerë ato apartamente” dekada më parë nga kompanitë siç është Trepça, me një kërkesë për t’u larguar, duke thënë se nëse nuk e bëjnë këtë, ata do të dëbohen me forcë”, transmeton Paparaci.

-Advertisement-

Siç pretendon ai, zyra e tij ka dërguar letra në adresa të shumta.

“Ne po bëjmë gjithçka përmes kanaleve diplomatike për ta ndalur këtë vendim, por më duhet të them se kjo agjenci është themeluar në kundërshtim me marrëveshjen e Brukselit, që nënkuptonte se në të do të uleshin njerëz nga Beogradi, Prishtina dhe BE-ja. Ata tani në mënyrë të njëanshme po i zbatojnë vendimet për dëbimin e serbëve dhe vendosjen e shqiptarëve, gjë që po bëhet së bashku me kryetarët e rrejshëm shqiptarë”, ka thënë Petkoviq.

Ai thotë se bëhet fjalë për më shumë se 100 familje, më saktë rreth 150 prej tyre.

“Prishtina nuk i zbaton vendimet e marra në favor të serbëve sepse para agjencisë së UNMIK-ut janë më shumë se 29 mijë kërkesa për kthimin e pronave të serbëve në jug të Ibrit. Sipas këtyre kërkesave nuk veprohet, por veprohet sipas kërkesat e shqiptarëve”, ka pretenduar ai./Paparaci.com

Subscribe në YouTube: GAZETA INFOKUSI