Pesë fëmijë që ishin lënë nën përkujdesje të SOS Fshatit u rikthyen tek familjet biologjike gjatë vitit 2019
Autori: Gazeta inFokus 14:05 | 11 January 2020
Organizata, SOS Fshatrat e Fëmijëve në Kosovë, e cila vepron që nga viti 1999, tashmë është përkujdesur për mëse 1,500 fëmijë të braktisur dhe nevojtarë, kurse gjatë vitit 2019 ka ofruar shërbime edhe për 51 fëmijë të tjerë.
Gjatë vitit 2019, përmes këshillimit që ofron kjo organizatë ka arritur që të kthejë 5 fëmijë tek familjet e tyre biologjike, gjë e cila konsiderohet një nga arritjet më të mëdha të kësaj organizate gjatë vitit të kaluar. Ndërsa 4 fëmijë të tjerë janë larguar pasi kanë përfunduar proceset e adoptimit, dhe tashmë ata fëmijë janë duke jetuar me familjet e tyre birësuese.
Punëtori Social në SOS Fshatrat e Fëmijëve të Kosovës, Bardhyl Plakolli tha për Telegrafin se janë duke punuar me përkushtim për mirëqenien dhe integrimin e fëmijëve të SOS-Fshatrave në shoqëri, ndërsa vlerësoi se kjo po ndodhë në të gjitha fushat.
“Nën Kujdesin e SOS Fshatit të fëmijëve në tri projekte kemi 61, fëmijë, ndarë në projekte si 6 Bebe në kujdesin afatshkurtër, 42 fëmijë në Kujdesin Afatgjatë me bazë në familje dhe 13 të rinj në SILP ‘Gjysmë Pavarësim’. Puna jonë është e përkushtuar kryesisht në mirëqenën dhe integrimin e tyre në shoqëri, fakt ky i cili po ndodhë në të gjitha fushat”, tha Plakolli.
Mosha e fëmijëve për të cilët po përkujdesen në SOS-Fshatrat e Fëmijëve të Kosovës, fillon nga 5 muaj, ndërsa ka persona të cilët tashmë kanë arritur edhe moshën 22-vjeçare e që janë pjesë e kësaj organizate.
“Mosha e atyre që janë nën përkujdesjen e SOS Fshatit fillon nga 5 muajsh deri në 22 vjeç. Në Kujdesin Afatgjatë kemi 8 SOS Familje ku rriten fëmijët nga 3-4 vjeç deri në 18 vjeç, ndërsa në Kujdesin afatshkurtër kemi një SOS Familje kryesisht me bebe. Fëmijët janë edhe nga komunitetet tjera, jo vetëm shqiptarë”, tha Plakolli.
Ndërsa, nuk mungojnë as aktivitetet të cilat organizohen gjatë vitit nga stafi i SOS Fshatrave. Plakolli tregoi se përveç pushimeve dimërore e verore, organizime të ndryshme bëhen edhe për ditë të shënuara, si Ditën e Fëmijëve, Ditën e Familjes, pastaj kampanja për Ditën kundër duhanit e kundër Drogës.
“Në SOS Fshat ka shumë aktivitete disa nga më të rëndësishmet ishin si: pushimet Dimërore në “Bogë”, dita e Familjes, dita kundër duhanit, dita kundër drogës, Dita e fëmijëve, Pushimet Verore e disa të tjera”, tha punëtori social i SOS Fshatit.
SOS Familjet janë të formuara kryesisht nga SOS Nëna, ndërsa në Kosovë, megjithëse janë bërë përpjekje ende nuk ka ndonjë çift i cili ka qenë i interesuar të formoj një SOS Familje.
“Në Kujdesin Afatgjatë kemi 8 SOS Familje ku rriten fëmijët nga 3-4 vjeç deri në 18 vjeç, ndërsa në Kujdesin afatshkurtër kemi një SOS Familje kryesisht me bebe. Kurse sa i përket SOS Familjeve në Çift, nuk kemi ende një të tillë”, u shpreh Plakolli.
Sa i përket sukseseve të vitit që kemi lënë pas, Plakolli tha se janë realizuar disa projekte dhe se janë pranuar dhe kanë arritur të ristrukturojnë kontaktet e fëmijëve me familjet e tyre biologjike.
“Të gjithë fëmijët tanë ndjekur me rregull shkollën, sukseset e tyre, realizimi i projektit LEAVE AND LET LEAVE, projekt ky i realizuar nga disa vajza SOS, me tematikën kundër “Bulizmit”. Pranimi i 11 fëmijëve të rinjtë, Ribashkimi i 5 fëmijëve me familjet e tyre Biologjike, mbajtja, fuqizimi dhe ristrukturimi i kontakteve të fëmijëve me familjet e tyre biologjike si dhe mbajtja larg sjelljeve deviante”, tha Plakolli.
Të tjera
-
Kurti për masakrën e Izbicës: Prokuroria e Shtetit e ka mbështetjen e plotë që kriminelët të jenë prapa grilave
Pas homazheve te familjet Bogujevci, Duriqi dhe Llugaliu, kryeministri i Koso...
-
PDK voton Kryesinë e Re, Bedri Hamza merr mbështetje si kandidat për kryeministër
Këshilli Drejtues i PDK-së ka mbajtur sot mbledhjen e radhës me ftesë të krye...
-
Osmani: Strategjia e regjimit gjenocidal të Serbisë ishte shfarosja etnike
Presidentja e Kosovës, Vjosa Osmani ka kujtuar masakrën ndaj familjeve Boguje...
-
KQZ: Qendrave të Votimit në veri, funksionale për 21 prill
Komisioni Qendror i Zgjedhjeve (KQZ), në mbledhje e sotme ka prezantua një ra...
-
Osmani kujton masakrën ndaj familjeve Bogujevci dhe Duriqi: Autorët të sillen para drejtësisë
Presidentja e Kosovës, Vjosa Osmani kujtoi masakrën e familjeve Bogujevci e D...
-
Pakënaqësi me Ligjin e pagave, Jasharaj paralajmëron protestë më 1 maj – nuk e përjashton mundësinë e grevës
Sindikata e Bashkuar e Arsimit, Shkencës dhe Kulturës (SBAShK), ka shprehur s...
-
PDK propozon datën e zgjedhjeve të parakohshme
Partia Demokratike e Kosovës tanimë ka propozuar 9 qershorin, si datë për zgj...
-
25 vjet nga masakra e Izbicës: Muhamet Alidemaj, i vetmi i dyshuar që po gjykohet
Sot bëhen 25 vjet nga masakra e Izbicës, ku më 28 mars 1999, forcat policore ...
-
Konstituohet grupi i punës në Komisionin e Ligjeve
Ditën e sotme është konstituuar grupi i punës në Komisionin e Ligjeve, ku do ...
-
Kurti: Vlerat themeltare të KiE-së i rrinë natyrshëm qeverisjes sonë
Komiteti për Politikë dhe Demokraci i Asamblesë Parlamentare të Këshillit të ...
-
Itali/ Shembet rruga në Romë, gropa e madhe “përpin” 2 makina të parkuara (Pamje)
Diçka e pazakontë ndodhi në orët e para të 28 marsit në Romë të Italisë ku nj...
-
Tërmet i fortë në Itali, alarm edhe në Slloveni e Kroaci
EMSC njoftoi se të mërkurën në mbrëmje, rreth orës 22:19, veriu i Italisë u g...