Lajme

Përurohet instalacioni artistik ‘Muri’

Autori: Gazeta inFokus 15:18 | 04 July 2017

Instalacioni artistik “Muri” përkujton datën historike të 2 korrikut 1990 dhe transmeton tek brezat e rinj dëshirën e madhe të paraardhësve të tyre për liri dhe demokraci.

Kryetari i Bashkisë së Tiranës Erion Veliaj dhe Ambasadorja Gjermane Schütz, kanë përuruar instalacionin artistik “Muri”, në Rr. Justin Godart në Tiranë.

Ideatorët e projektit Eljan Tanini, Gjergji Islami dhe Ana Pekmezi ngrenë me këtë instalacion si një Shteg të Kujtesës, mbi ngjarjet e 2 korrikut 1990, ku Ylli Bodinaku me kamionin e tij Skoda LIAZ kaloi murin rrethues të Ambasadës Gjermane, si dhe ngjarjet që vijuan me vërshimin në ambasada të shqiptarëve, që kërkonin ti shpëtonin sistemit diktatorial në vend.

“Ishin ditë vërtetë dramatike ato të korrikut të vitit 1990”, u shpreh Ambasadorja Susanne Schütz dhe kujtoni më shumë se 3.000 shqiptarët të cilët rezistuan për rreth dymbëdhjetë ditë në kushte të vështira në Ambasadën Gjermane.

-Advertisement-

Më 12 korrik 1990, pas negociatave mes qeverisë federale dhe regjimit komunist të asaj kohe të gjithë u lejuan që të largohen për në Gjermani.

Instalacioni artistik “Muri” përkujton jo vetëm këtë date historike, por transmeton tek brezat e rinj dëshirën e paepur të paraardhësve të tyre për liri dhe demokraci. / KultPlus.com