Lajme

Personi që u therr me thikë sonte në Prizren në gjendje të rëndë, Policia jep detaje

Autori: Gazeta inFokus 23:07 | 22 June 2022

Një person është therur me thikë sot pasdite rreth orës 19:30, ne Rrugën “Muharrem Hoxhaj”, në Prizren.

Lajmin për Gazetën Express e ka konfirmuar zëdhënësi i Policisë së Kosovës për rajonin e Prizrenit, Vesel Gashi.

Ai tha se deri tek përleshja ka ardhur pas një fjalosje dhe konfrontimi verbal mes tre personave.

-Advertisement-

“R. B., i datëlindjes 1954 m/sh/k dhe A. Sh., i datëlindjes 1970 m/sh/k…dyshohet se kanë sulmuar viktimën (A.S.) rreth 50 vjeç. Në ketë rast dyshohet se i dyshuari R. B. e ka goditur me thikë në abdomen viktimën, duke i shkaktuar lëndim të rëndë trupor”, thuhet në përgjigjen e tij.

Viktima është duke u trajtuar në spital dhe për momentin, sipas mjekut kompetent gjendja e tij është e rëndë.

Patrullat policore, në koordinim me hetuesin kujdestar dhe prokurorin kujdestar, janë duke ndërmarre veprimet e para hetimore lidhur me zbardhjen e rrethanave të rastit.

Njësite policore sekuestruan një gyp të metalit dhe një thikë në cilësinë e provave materiale.

“Ne lidhje me veprimet policore është e njoftuar prokurori i shtetit dhe me urdhër të tij iniciohet rasti dhe dy të dyshuarit ndalohen për 48 orë. Rasti po hetohet nga sektori rajonal i hetimeve”.

Subscribe në YouTube: GAZETA INFOKUSI

Të tjera

Fokusi

lajme