Lajme

Personalitete të rëndësishme të Kosovës që Milazim Krasniqi dëshiron t’i dëbojë në Mal të Zi

Autori: Gazeta inFokus 18:41 | 24 April 2022

Kryeministri Albin Kurti e kryetari i Akademisë së Shkencave dhe Arteve, Mehmet Kraja janë vetëm dy nga personalitetet e rëndësishme politike e kulturore të Kosovës, prejardhja e të cilëve ka qëlluar të jetë diku në Malin e Zi.

Të dy ata, sikurse edhe akademikun Rexhep Qosja, që po ashtu është me prejardhje nga Mali i Zi, profesori universitar Milazim Krasniqi, nuk i do në Kosovë. Krasniqi e ka shkruar një postim racist në Facebook, për të cilin mori shkas nga ambasadori i Kosovës në Kroaci, Martin Berishaj, i cili gjithashtu është me prejardhje nga Mali i Zi, shkruan Express.

“Disa miq më kanë kritikuar pse nuk jam shprehur për rastin e Martin Berishajt. Në fillim u mbrojta, duke u thënë se e kam të njohur të vjetër e po pres zhvillimet. Ama tash e kam një ide më të mirë: në paketë me qata 8000 hektarë tokë që thonë se i janë falë Malit të Zi, ka qenë mirë me ia pasë kthyer edhe kuadrot shqiptare me prejardhje nga Mali i Zi, që nga qeveria, Akademia e diplomacia”, ka shkruar Krasniqi.

-Advertisement-

Për profesorin e Universitetit të Prishtinës, kuadrot nga Mali i Zi “veç shamatë e dëm kanë sjellë e po sjellin”, duke iu thënë se “vec han m.t”, atyre që mendojnë se kjo është përçarje kombëtare.

“Ata që thonë se kjo kërkesë është përçarje kombëtare, vec han m.t, sepse nuk është. Shqiptarët e Malit të Zi gëzojnë respektin tonë të plotë, si të gjithë shqiptarët e tjerë. Ndërsa kuadrot prej atjehit, veç shamatë e dëm kanë sjellë e po sjellin. Si me e pasë kauzë shamatën e dëmin. “Qofsha i gabuar!”, po nuk jam!”, ka shkruar Krasniqi.

Për zbatimin e idesë së tij raciste, Krasniqi do të donte ta dëbonte në Mal të Zi edhe akademikun Anton Berishaj.

Zake Prelvukaj, piktore dhe ligjëruese në Fakultetin e Arteve në Universitetin e Prishtinës është gjithashtu nga Mali i Zi.

Subscribe në YouTube: GAZETA INFOKUSI
Oferta ekstreme e majit – dyshek memory 100€ më lirë!
-Advertisement-

Të tjera

Fokusi

lajme