Përplasje të forta në lidhje me punësimet e fundit në KEK mes LVV-së dhe PSD-së
Autori: Gazeta inFokus 23:16 | 06 April 2022
Partitë opozitare vazhdojnë akuzat ndaj zyrtarëve të LVV-së për ushtrim të ndikimit në punësimet e fundit në KEK.
Lidhja Demokratike e Kosovës ka ngritur sot kallëzim penal në Prokurorinë Themelore në Prishtinë, në lidhje me punësimet e fundit që janë bërë në Korporatën Energjetike të Kosovës (KEK).
LDK, akuzon LVV-në se ka kapur institucionet e pavarura dhe ndërmarrjet publike, në mesin e të cilave edhe KEK-un.
Por, edhe partia tjetër opozitare PSD ka qenë mjaft e zëshme në raport me konkursin e fundit në KEK.
Zyrtarë të lartë të partisë opozitare jashtëparlamentare kanë akuzuar Vetëvendosjen se ka parapërgatitur listat e personave që tashmë janë rekrutuar në KEK.
Nënkryetari i PSD-së, Frashër Krasniqi thotë se KEK-u është vetëm një shpërthim masiv i punësimeve familjare e partiake.
“Nëse më herët është bërë kjo vepër me njëfarë turpi, derisa tani kapja e shtetit është shndërruar në ideologji. Kjo pasi që LVV mendon se vetëm me njerëzit e saj mund ta bëjë çlirimin e shtetit duke punësuar vetëm ata”.
Krasniqi thotë se dikur punësimet familjare e partiake janë quajtur “nepotizëm” e “kriminalitet” derisa tani ka justifikime që lidhen me “çlirimin e shtetit”.
Aktiviti i LVV-së, Dardan Krasniqi që është edhe kunati i Albulena Haxhiut, ka akuzuar zyrtarët e PSD-së se po bëjnë fabrikime akuzash në dëm të Vetëvendosjes.
“LVV për shkak të rrethanave të kohës është shtrirë nga familjarët. Në organizimin she shtrirjen e LVV-së Frashëri i ka pasur të dy motrat dhe babën, për të cilat kam shumë respekt. Madje ato kanë marrë paga në LVV. Ku mund të akuzohet Rabit Konjufca se është axha i Glaukut kur ai ka themelua LVV-në në Lipjan. Frashëri, sot për të deformuan opinionin thotë “axha i Glaukut” për Rabit Konjufcën. Berat Lahu ka qenë themelues i LVV-së në Prishtinë, derisa sot ky i thotë dhëndëri i Liburn Aliut”, ka replikuar Dardan Krasniqi [që është edhe kunat i ministres Albulena Haxhiu].
Aktiviti i LVV-së në debat e sipër i ka përmendur Krasniqit edhe punësimin e motrës në arsim që sipas tij është bërë në kohën e Lëvizjes Vetëvendosje.
“A është punësuar Krenarja [motra e Frashër Krasniqit] në arsim në kohën e Lëvizjes Vetëvendosje. Pse ne kurrë nuk kemi bërë zhurmë që ka qenë aktiviste”, tha Krasniqi, përcjell Telegrafi.
Krasniqi ka mohuar një gjë të tillë duke thënë se e motra i është punësuar në Komunën e Prishtinës gjatë qeverisjes së Isa Mustafës.
“Mos manipulo. Ajo është punësuar në vitin 2012 dhe ishte e vetmja e diplomuar në lëmin e kërkuar”, i është përgjigjur Frashëri.
Përplasjet e Krasniqit me zyrtarët e LVV-së kanë vazhduar kur ky i fundit ka thënë se deputeti i LVV-së, Halil Thaçi ka vendosur listën e personave që do të punësohen në KEK në një hotel.
Reagimi i deputetit ishte i menjëhershëm.Ai përmes një lidhje telefonike ka mohuar gjithçka.
“Ta keni parasysh se mentaliteti që një deputet ka ndikim në ndërmarrjet publike kanë përfunduar me 14 shkurt 2021. Ai mentalitet i takon qeverisë së kaluar. Gjithë kjo zhurmë dhe gjithë kjo piskamë që po bëhet për 120 të rijnë që janë punësuar në KEK, po bëhet për të mbuluar suksesin e Qeverisë Kurti për bllokimin e zgjedhjeve serbe”, ka deklaruar Thaçi.
Ndryshe, sot Agjencia Kundër Korrupsionit (AKK) ka thënë se është duke mbledhur informatat lidhur me punësimet e fundit në Korporatën Energjetike të Kosovës (KEK).
AKK bën me dije se ka pranuar telefonata dhe interesime të individëve të ndryshëm në lidhje me rolin që mund të ketë ky institucion në trajtimin e këtyre pretendimeve./Telegrafi/
Të tjera
-
Sipas Kusari-Lilës, propozimi për t’i vendosur masa Kosovës ishte i Lajçakut
Shefja e grupit parlamentar të Lëvizjes Vetëvendosje, Mimoza Kusari-Lila, ka ...
-
Osmani për tensionet në veri: Vuçiq është bosi i bandave kriminale
Presidentja Vjosa Osmani ka qenë e ftuar në think tank-un “Council on Foreign...
-
QKUK-ja pritet të riorganizojë orarin me dy ndërrime, masë kjo për uljen e listave të pritjes
Qendra Klinike Universitare e Kosovës nga gjysma e tetorit do të përqendrohet...
-
10 të arrestuar për ạrmëmbạjtje pa leje në 24 orët e fundit në Kosovë
10 persona janë arrestuar në Kosovë, përgjatë 24 orëve të fundit, për veprën ...
-
Optimizëm për largim të masave në vjeshtë
Me konstituimin e strukturave të reja në Bashkimin Evropian, ka optimizëm se ...
-
Osmani: Vuçiqit s’ia ndien për serbët në Kosovë, do vetëm të shtyjë planin për aneksim në stilin e Krimesë
Presidentja Vjosa Osmani ka qenë e ftuar në think tank-un “Council on Foreign...
-
Rreth 2 mijë gjoba trafiku për një ditë në Kosovë
Policia e Kosovës ka shqiptuar 1 mijë e 807 gjoba trafiku gjatë 24 orëve të f...
-
Prishtinë, arrestohen dy burra pasi e rraḥën në trafik një tjetër
Dy burra janë arrestuar dje më 28 shtator në Pristinë pasi që të njëjtit dysh...
-
Pejë: Bashkëjetonte me të miturën, policia e arreston të dyshuarin
Është arrestuar një burrë në Pejë, i cili ishte martuar me një të mitur. ...
-
Zhduken dy të mitura, njëra në Viti e tjetra në Rahovec
Dy vajza të mitura janë zhdukur gjatë ditës së shtunë në Kosovë. ...
-
Arrestohet e dyshuara, përfitoi dhjetëra mijëra euro në një kompani të sigurimit
Një grua është arrestuar dje më 28 shtator në Prishtinë për shkak se dyshohet...
-
Kurti i shpreh mërgatës në ShBA gatishmërinë për të punuar krah për krah
Kryeministri Albin Kurti i shoqëruar nga ministrja e Punëve të Jashtme dhe Di...