Lajme

Përplasje mes pozitës dhe opozitës në Komision për mungesën e ministrit Murati

Autori: Gazeta inFokus 12:07 | 04 October 2022

Ministri i Financave, Punës dhe Transfereve nuk i është përgjigjur ftesës së Komisionit për Mbikëqyrjen e Financave Publike për shqyrtimin e Raportit të Auditorit të Përgjithshëm për Raportin Vjetor Financiar të Buxhetit të Republikës së Kosovës për vitin 2021.

Kryetarja e Komisionit, Hykmete Bajrami tha se përkundër faktit se që 10 ditë më parë ministri Murati ka kanfirmuar ardhjen, sot nuk është prezent.

“Asnjë njoftim nuk ka pasur nga stafi i Ministrisë së Financave. Sot një njoftim e kemi parë në media se ministri Murati është në Shqipëri përkatësisht në portin e Durrësit gjatë ditës së sotme”, tha ajo.

-Advertisement-

Deputetja Bajrami dyshon se mos prezenca e Muratit mund të jetë një skenar.

Pas kësaj pati një përplasje mes deputetëve të shumicës.

Deputeti Hajdar Beqa ka thënë se është e pakuptimt që të shqyrtohet raporti pa prezencën e ministrit Murati.

Në këtë komision, deputeti Beqa ngriti çështjen se në atë raport ka të gjetura për ‘u dërguar në prokurori.

Por deputeti Beqa përmendi edhe ndaljen e pagave për grevistët.

Deputetja Mirlinda Sadiku ka arsyetuar mungesën e Muratit dhe i ka quajtur paragjykime deklaratën e kryetares, Hykmete Bajrami.

Edhe se mbledhjen e Komisionit e mbylli kryetarja Bajrami, vazhdimin e mbledhjes e vazhdoi nënkryetarja Arta Bajraliu.

Ani se deputeti nga VV Eman Rrahmani kërkoi nga nënkryetarja ta zë vendin e kryetares Bajrami, ai tha se mungesa e ministrit Murati është e paarsyeshme./KP/

Subscribe në YouTube: GAZETA INFOKUSI
Etiketa:
Oferta speciale deri në 70% dhe ekstra zbritje në dyshekët Comodita
-Advertisement-

Të tjera

Fokusi

lajme