Lajme

Përparim Rama “i shqetësuar thellë” me Projektligjin për Buxhetin e vitit 2023: “Është shkelje e Kushtetutës”

Autori: Gazeta inFokus 15:05 | 22 November 2022

“E kundërshtojmë fuqishëm pjesën e paragrafit 6 të nenit 9 të Projektligjit për Buxhetin e vitit 2023”.

Kryetari i Komunës së Prishtinës, përmes një komunikate për shtyp është shprehur rreptësisht kundër, siç i quajti ai “tendencës” së Qeverisë së Kosovës për të ridestinuar mjetet financiare nga buxheti i Kryeqytetit, ashtu siç është paraparë në Projektligjin e Buxhetit për vitin 2023.

Reagimi i Ramës erdhi një ditë pas reagimit të Kryetarit të Asociacionit të Komunave të Kosovës, Sazin Ibrahimi, i cili njëashtu tha me Projektligjin e Buxhetit për vitin 2023 Qeveria parasheh që nëse të hyrat vetanake të një komune nuk shpenzohen gjatë një viti, ato do t’i merren dhe t’i dhurohen komunave tjera ose të përdoren në nivelin qendror.

-Advertisement-

“Në emër të kryeqytetit dhe qytetarëve të tij, dua të shpreh shqetësimin e thellë lidhur me tendencën e Qeverisë së Republikës së Kosovës për të ridestinuar mjetet financiare nga buxheti i Kryeqytetit”, shkroi Përparim Rama.

“Në mënyrë specifike, e kundërshtojmë fuqishëm pjesën e paragrafit 6 të nenit 9 të Projektligjit për Buxhetin e vitit 2023 i cili përcakton se: ‘Të gjitha të hyrat vetanake të mbledhura para vitit fiskal 2022 dhe të pa shpenzuara, bëhen pjesë e Fondit të Kosovës në bilancin bankar’”.

“Miratimi i Projektligjit për Buxhetin e vitit 2023 në këtë formë do të paraqesë shkelje të Kushtetutës së Republikës së Kosovës. Neni 124, pika 5 e Kushtetutës së Kosovës specifikon se ‘Komunat kanë të drejtë të vendosin, të caktojnë, të mbledhin dhe të shpenzojnë të hyrat e veta si edhe të marrin fonde nga Qeveria qendrore, në pajtim me li’jin’”.

Lexojeni të plotë reagimin e Përparim Ramës: