Lajme

Përkujtohet masakra e Mejës, kryesit ende nuk kanë dalë para drejtësisë

Autori: Gazeta inFokus 12:18 | 27 April 2017

Në Mejë të Gjakovës është duke u shënuar përvjetori i masakrës më të madhe të kryer në Kosovë gjatë luftës së fundit.

Aty brenda pak orëve janë masakruar 376 veta, njofton Klan Kosova.

Të pranishëm përveç qytetarëve kanë qenë edhe përgjegjës institucional, nis nga presidenti Hashim Thaçi, kryetarja e Gjakovës Mimoza Kusari-Lila, ministri Avdullah Hoti si dhe deputetë nga Parlamenti i Kosovës.

-Advertisement-

Thaçi ka thënë se Dita Ndërkombëtare e të Pagjeturve është 30 gushti, por që për Kosovën është 27 prilli.

Ai ka pohuar se familjarët e të pagjeturve kanë plotësisht të drejt kur kërkojnë zbardhjen e fatit të familjarëve të tyre dhe daljes para drejtësisë së atyre që kanë kryer këto krime.

Thaçi ka thënë se Bashkësia Ndërkombëtare duhet të bëjë presion ndaj Beogradit, pasi Serbia ka qenë kryesi i gjenocidit.

Ndërsa Kusari-Lila ka thënë se është padrejtësi që kryerësit e masakrës së Mejës ende janë të lirë, por ka theksuar se sot vendi ka marrë një lajm të drejtë – lirimin e Ramush Haradinajt.

Subscribe në YouTube: GAZETA INFOKUSI