Lajme

Përgjimet e grurit në MINT, reagon protagonisti kryesor Enver Hajrullahu

Autori: Gazeta inFokus 12:37 | 02 Gusht 2023

Enver Hajrullahu, protagonisti i përgjimeve të reja në Ministrinë e Industrisë, Ndërmarrësisë dhe Tregtisë si caku i presionit për të nënshkruar kontratën rreth grurit edhe pse disa ton mungonin dhe kishte refuzuar ta bënte këtë ka reaguar me anë të një shkrimi në Facebook.

Ai ka thënë se përgjimet e publikuara nuk kanë rrjedhur prej tij edhe pse ato incizime janë bërë në hapësirat e MINT, përkatësisht sipas tij në njërën nga zyrat e Departamentit të Financave.

Hajrullahu thotë të mos ketë në dijeni lidhur me këto audio-incizime dhe ka mohuar të jetë burim i mediumit që ka publikuar ato.

-Advertisement-

“Kjo bisedë ka ndodhur përafërsisht në fund të korrikut të vitit 2022.”.

Krejt përgjimi tregon për zyrtarin Enver Hajruallahu që me pozitë është certifikues. Ndaj tij kishte presione të mëdha për ta nënshkruar kontratën rreth grurit, edhe pse disa ton mungonin.

“Me përgjegjësinë më të lartë morale dhe profesionale deklaroj se nuk kam patur kurrfarë qëllimi kundër asnjë zyrtari, por jam kujdesur për t’i respektuar procedurat ligjore.”, ka thënë ai.

Postimi i plotë:

Sqarim!
Të nderuar qytetar, miq, kolegë dhe familjarë,
Sot, është publikuar një video në mediumin Nacionale.com, si protagonist i asaj video jam Unë.
Dua t’iu njoftoj se këto audio-incizime nuk kanë rrjedhur nga Unë, dhe i njëjti është bërë në hapësirat e MINT përkatësisht në njërën nga zyrat e Departamentit të Financave, duke mos qenë në dijeni që po ndodh një incizim i tillë, dhe Unë nuk jam burim i mediumit në fjalë.
Kjo bisedë ka ndodhur përafërsisht në fund të korrikut të vitit 2022.
Me përgjegjësinë më të lartë morale dhe profesionale deklaroj se nuk kam patur kurrfarë qëllimi kundër asnjë zyrtari, por jam kujdesur për t’i respektuar procedurat ligjore.
Sinqerisht,
E. Hajrullahu.