Përgjigje dhe sqarim për deputetin e dhunshëm Bekim Haxhiun – Kamishi
Autori: Gazeta inFokus 16:58 | 29 June 2020
Këtë të diele, nëpër media, konkretisht me pamje vizuale nga Klan Kosova, doli momenti se si deputeti i PDK-së, Bekim Haxhiu – Kamishi, goditi një person brenda stadiumit “Riza Lushta” në Mitrovicë, ku po zhvillohej loja në mes të KFF Mitrovicës dhe KFF Feronikelit.
Ne Gazeta Infokus, raportuam që personi i goditur është Ragip Veseli, zyrtar në klubin e Feronikelit.
Lajmi që u publikua nga ne nuk ishte i vërtetë dhe nuk e kemi telashe që edhe të kërkojmë falje për këtë gjë, ani se u vendosëm në lajthitje nga një burim i yni, i cili na dha informatën e pasaktë.
Kësisoj, duke qenë të përgjegjshëm për punën që e bëjmë, mund të na ikin edhe këso gabime e të dalin lajme të pakonfirmuara, gjë për të cilën edhe u kërkojmë falje si lexuesve tanë ashtu edhe deputetit Bekim Haxhiu – Kamishi.
Megjithatë, kjo në asnjë formë nuk e zbeh veprimin e “Kamishit” pavarësisht se kënd e sulmoi.
Haxhiu në reagimin e tij thotë që mediat të rreshtojnë aty ku kanë synim.
Në fakt, Haxhiu duhet ta di se asnjëherë nuk është qëllim i yni, rreshtimi i askujt në asnjë vend, janë veprimet e vet Haxhiut dhe të tjerëve që i rreshtojnë ata, aty ku i sheh populli.
“Rreshtim” i Haxhiut ishte edhe ky rasti i fundit, ku ani se nuk ka goditur atë që raportuam ne, kjo e ndryshon veç personin e sulmuar, por nuk e heq goditjen.
Veprim ky që nuk i ka hije një deputeti, pavarësisht se kë e godet, e kjo e bën edhe më të rëndë që një gjë të tillë e ka bërë në prezencë të njerëzve dhe kamerave.
Kjo padyshim jep shembull të keq jo veç tek ata që e votojnë por edhe tek të gjithë qytetarët që e panë veprimin e tij në videon e publikuar nga Klan Kosova.
Bile, ankesa ndaj Kamishit kanë bërë edhe vet klubi i Feronikelit, që kanë reaguar publikisht duke e akuzuar se ka fyer e ka tentuar që të sulmoj Kryesinë e KFF Feronikelit, duke obliguar policinë e sigurimin të futet në mes, madje për këtë edhe kanë paralajmëruar padi edhe në UEFA.
Pra, ne kemi guxim që kur gabojmë, të demantojmë lajmin e edhe të kërkojmë falje.
Por, është tjetër gjë, kur një deputet që përfaqëson vullnet të qytetarëve në Kuvend, të jetë i përfshirë në çdo pore të shoqërisë, jo veç aty për ku është votuar.
Haxhiu, duhet të tregoj se pse pas çdo “trazire” që bëhet sikur në Federatën e Futbollit të Kosovës, Universitetin e Prishtinës, apo edhe QKUK, besa edhe Kuvend, gjendet “rastësisht” Kamishi aty, në prapaskenë.
E po ashtu tash e disa vite edhe ne grupet e interesit që synuan ta fusin në dorë FFK-në me procese krejtësisht të paligjshme duke u munduar të mbledhin nënshkrime e me lobime politike.
Për disa raste te tilla qe kemi raportuar e ku ka qenë i përfshirë Kamishi asnjëherë nuk ka pas guxim t’i demantoj lajmet as të kërcënoj me gjyq.
Madje, Kamishi nuk ka pas guxim as te tregon publikisht që është i përfshirë në këto skenare pavarësisht se është raportuar edhe me fakte.
Të tjera
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...
-
Abdixhiku: Shqiptarët në Maqedoninë e Veriut u ndanë, Kurti dhe gjithë aparati qeveritar u bënë akter aktiv
Kryetari i Lidhjes Demokratike të Kosovës (LDK), Abdixhiku, ka reaguar pas re...
-
Ngjarjet e datës 25 prill
Vazhdon procesi gjyqësor në rastin Thaçi dhe të tjerët – gjykimi. (Hagë, ora ...
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...
-
Festa e Frontit Europian, Ahmeti: Ky kapitull u mbyll me sukses, me mbi 40 mijë vota epërsi ne shënuam fitore
Kryetari i Bashkimit Demokratik për Integrim, Ali Ahmeti në festën e fitores ...
-
Valon Syla pas fitores së Osmanit: Kur Albin Kurti të shkojë në plazhet greke, më nuk i bie kah Maqedonia
Analisti Valon Syla tha se kryeministri Albin Kurti ka marrë leksion sonte sa...
-
Kurti fton diasporën që të marrë pjesë në regjistrimin online të popullsisë: Jeni shtyllë qendrore e shtetit tonë
Kryeministri i vendit, Albin Kurti ka thënë se Kosova për herë të parë ka fil...
-
Shpallet vendimi për mbylljen e TikTok-ut në SHBA
Pasi Kongresi amerikan votoi në favor të projektligjit për mbylljen e TikTok-...
-
Bujar Osmani shpall fitoren, i kërkon Arben Taravarit ta pranojë humbjen
Kandidati i BDI-së nga Fronti Europian për president të Maqedonisë së Veriut,...
-
BDI-ja nisi festën në Sheshin Skënderbeu në Shkup, Grubi: Fitoi UÇK-ja dhe Ali Ahmeti
Një numër i madh i simpatiznatëve të BDI-së janë grumbulluar në Sheshin Skend...
-
“Mbylleni derën, shkoni në shtëpi”- simpatizantët e BDI-së para shtabit të VLEN
Simpatizantët e BDI-së provokojnë përfaqësuesit e VLEN-it të cilët kanë lëshu...
-
Kandidatja e VMRO-së prin në zgjedhjet presidenciale në Maqedoninë e Veriut
Në Maqedoninë e Veriut qytetarët më 24 prill votuan për presidentin e ri të s...