Lajme

Përgatituni: Këtë vikend do të ketë borë në Kosovë

Autori: Gazeta inFokus 21:02 | 20 November 2020

Mësoni se ҫfarë moti do të mbretërojë në dy ditët në vazhdim në vendin tonë.

Të shtunën më ftohtë dhe me erë.

Mundësi për rrebeshe të dobëta bore.

-Advertisement-

Nga e diela kthjellime, mëngjeset me ngrica, ultësirave mundësi për mjegull.

Kalimi i një fronti të ftohtë gjatë natës sjell mbi vendin tonë mot të ftohtë, kryesisht të vranët dhe me erë.

Në vise malore priten mundësi për rrebeshe të dobëta bore, e të shtunën në mbrëmje, me rënie të temperaturave rrebeshe bore mund të ketë edhe viseve të ulëta.

Depërtimi i masave të ftohta ajrore zbret ndjeshëm temperaturat në fundjavë.

Sipas Prishtina Weather ngaa dita e diel vranësirat shpërndahen, ku do të ketë kthjellime ditën e hënë. Orëve të mëngjesit ngrica, e përgjatë ultësirave mundësi për mjegull.

Erërat që parashihet të fryjnë gjatë ditës së nesërme, do të shpërndajnë ndotësit ajror, e indeksi i cilësisë së ajrit do të zbres në vlera të mjaftueshme dhe të mira.

Ditën e diel fillimisht indeksi mbetet në vlera të mjaftueshme, e deri në mbrëmje kalon në vlera të dobëta, e ditën e hënë edhe në shumë të dobëta.

21.11 – Kryesisht vranët, ftohtë dhe me erë. Përreth viseve malore mundësi për rrebeshe të dobëta bore. Në mbrëmje rrebeshe të dobëta bore mund të bien edhe përgjatë viseve të ulëta.

22.11 – Në mëngjes me vranësira, ditën kryesisht me diell.

23.11 – Në mëngjes ftohtë, me ngrica, përgjatë ultësirave mundësi për mjegull. Ditën kryesisht me diell.

24.11 – Në mëngjes vranësira kalimtare, ditën kthjellime dhe kryesisht me diell.

25.11 – Në mëngjes ftohtë, me ngrica, përgjatë ultësirave me mjegull. Ditën kryesisht me diell.

Temperaturat e ajrit në rënie ditëve të fundjavës.

Minimalet nga 1C zbresin në -3C, ditën e hënë.

Maksimalet zbresin në 4C, e të hënën rriten përreth vlerave mesatare në 9C.

Do të fryj erë mesatare dhe mesatarisht e fuqishme nga verilindja 6-13m/s, të dielën drejtimesh të ndryshme 2-5m/s.

Shtypja atmosferike në rritje, nga e hëna me tendencë të rënies, por mbetet lartë mbi vlera normale.

Subscribe në YouTube: GAZETA INFOKUSI
Prince Caffe pjesëmarrës në panairin “Gulfood Fair 2024” në Dubai

Të tjera