Përfundon tërheqja e 25 përqind të policëve nga ndërtesat komunale në veri
Autori: Gazeta inFokus 10:04 | 04 August 2023
Policia e Kosovës ka konfirmuar se ka përfunduar reduktimi i mëtejshëm i forcave policore në dhe rreth ndërtesave në veri, në masën prej 25 përqind, sipas dakordimit që ishte arritur në Bratisllavë mes zëvendëskryeministrit Besnik Bislimi dhe Emisarit të BE’së për dialogun Kosovë-Serbi, Mirosllav Lajçak.
Lajmin për Gazetën Express e ka konfirmuar zëvendësdrejtori i Policisë për Rajonin e Veriut, Veton Elshani.
“U kry tërheqja”, ka thënë shkurtimisht Elshani.
Ndryshe, më 10 korrik në Bratisllavë kryenegociatori Besnik Bislimi dhe emisari i BE-së Miroslav Lajçak u dakorduan për katër hapat që do të ndiqen për t’u ulur tensionet në Veri. Hapi i parë dhe i dytë kanë të bëjnë me reduktimin e policisë në dhe rreth ndërtesave komunale.
Redukimi i parë I policëve është bërë më 12 korrik, derisa dje Policia e Kosovës njoftoi se do të bëhet edhe largimi i 25 përqind të policëve tjerë.
“Policia e Kosovës në vazhdën e realizmit të detyrave dhe autorizimeve të saja kushtetuese dhe ligjore në interes të sigurisë publike në vend, si dhe me qëllim të zbatimit të dakordimeve të arritura në Bratisllavë me 10 korrik 2023, në mes të Bashkimit Evropian dhe Republikës së Kosovës, saktësisht hapit dy të këtij dakordimi, me këtë rast është mbajtur takimi punues mes Policisë së Kosovës, EULEX dhe KFOR për vlerësim të situatës së sigurisë, në dhe përreth ndërtesave komunale të komunave veriore. Sipas vlerësimit të përbashkët, nga Policia e Kosovës, EULEX dhe KFOR, situata e sigurisë në dhe rreth objekteve të komunave veriore vlerësohet se është e mirë. Në kuptim të këtij konstatimi të përbashkët, nga nesër fillon zvogëlimi i pjesëtarëve të Policisë së Kosovës për 25%, në dhe përreth objekteve komunale në veri”, ka njoftuar Policia.
PK ka thënë se ekipet e Policisë së Kosovës bashkë me EULEX-in dhe KFOR-in, do të vijojnë koordinimin dhe do të ndërmarrin veprimet e nevojshme sipas vlerësimit të rregullt të situatës së sigurisë në dhe përreth objekteve komunale, në komunat veriore.
Pas njoftimit të Policisë, në mbrëmje ka reaguar Ministri i Punëve të Brendshme, Xhelal Sveçla.
Duke njoftuar për reduktimin e mëtejmë të Policisë, ai ka thënë se Kosova është duke e respektuar marrëveshjen e Bratislavës.
”Kosova po zbaton zotimet nga marrëveshja e Bratislavës dhe po vazhdon të kontribuojë pozitivisht në de-përshkallëzimin”, ka thënë ai.
Postimin e Sveçlës e shpërndau në Tëitter zëvendëskryeministri Besnik Bislimi.
”Pas Marrëveshjes së Bratislavës, ka një proces të besueshëm drejt de-përshkallëzimit. Situata është e qetë tash e disa javë – konfirmuan dje bashkërisht PK-ja, KFOR-i dhe EULEX-i.Kosova po respekton plotësisht angazhimet e saj nga arrng. & beson se pala tjetër do të bëjë të njëjtën gjë”, ka thënë ai.
Për shkak të zhvillimeve në Veri që kaluan në tension që nga maji i këtij viti, Bashkimi Evropian ka marrë masa ndëshkuese ndaj Kosovës.
Bislimi ka thënë se masat janë të përkohshme e të kthyeshme, duke nënkuptuar se këto veprime të Qeverisë në planin e deskalimit do të ndikojnë në largimin e atyre masave.
”Marrëveshja e 10 korrikut është ndërmjet BE-së dhe Kosovës dhe ka për qëllim të zbatojë deklaratën e BE27 nga 3 qershori. Masat e BE-së kundër Republikës së Kosovës deklarohen të përkohshme, të kthyeshme dhe në varësi të një përkushtimi të besueshëm për deeskalim”, ka thënë ai.
Hapi i tretë për deeskalimin e situatës është mbajtja e zgjedhjeve të reja në katër komunat veriore “pas stinës së verës”, ndërsa hapi i katërt ka të bëjë me finalizimin e planit të sekuencimit pёr Marrёveshjen drejt Normalizimit.
Situata në Veri u tensionua pasi u futën në ndërtesat komunale kryetarët e rinj që fituan në zgjedhjet e 23 prillit. Lulzim Hetemi qysh prej 29 majit ndodhet brenda objektit të komunës së Leposaviqit, ndërsa njëjtë është raportuar edhe për Erden Atiq. Ndërkaq, në anën tjetër, dy kryetarët nga radhët e PDK-së, Izmir Zeqiri në Zubin Potok dhe Ilir Peci në Zveçan, kanë vazhduar punën e tyre nga objekte alternative.
Të tjera
-
Ish-ushtaraku: Ushqimi për ushtarët e FSK-së duhet të bëhet në kazerma, kurrsesi të bartet
Ish-ushtaraku, Ismet Ibishi është shprehur se bartja e ushqimit nga instituci...
-
Kurti dënon sulmin e Iranit: Izraeli ka të drejt ta mbrojë vetën
Kryeministri i Kosovës, Albin Kurti, ka dënuar sulmin e Iranit mbi Izraelin. ...
-
Instituti Hidrometeorologjik: Nga fundjava parashihen reshje të shumta shiu
Instituti Hidrometeorologjik i Kosovës njofton se sipas parashikimeve, nga fu...
-
Kërcënimi i Netanyahut: Irani bëri një gabim të madh sonte dhe do ta paguajë atë
Kryeministri i Izraelit, Benjamin Netanyahu ka thënë se Irani do të vuajë për...
-
Kurti në median ukrainase e quan Vuçiqin “Putin të Vogël”: Një fqinj i pakëndshëm duhet të qëndrojë në shtëpinë e tij
Kryeministri Albin Kurti ka dhënë një intervistë për agjencinë e lajmeve të U...
-
Këshilltari i Biden: Sulmi i Iranit kundër Izraelit duket se është mposhtur, po e monitorojmë situatën
Këshilltari i sigurisë kombëtare të Shteteve të Bashkuara, Jake Sullivan, tha...
-
Ferid Agani nga “Lista për familjen”: Shteti duhet të ofrojë dy vjet pushim lehonie
Ish-ministri i Shëndetësisë, Ferid Agani, vlerëson se nëse shteti do ta bënte...
-
Ushqimi i ushtrisë, Ministria e Mbrojtjes synon të rekrutojë kuzhinierë të vet
Përpos Qendrës Studentore edhe Shërbimi Korrektues i Kosovës ka konfirmuar se...
-
Lumir Abdixhiku u flet për ekonominë e investimet dy familjeve në Gjakovë
Kandidati i Lidhjes Demokratike të Kosovës për kryeministër, Lumir Abdixhiku,...
-
Kurti përmend Banjskën në Poloni: Tani më shumë se kurrë, kemi nevojë për mbështetjen e NATO-s
Kryeministri Albin Kurti ka përmendur sulmin terrorist ndaj Policisë së Kosov...
-
A do të jenë Shefqet Krasniqi dhe Halil Kastrati pjesë e listës për deputetë, flet Visar Korenica
Ish-deputeti i Vetëvendosjes, Visar Korenica, ka thënë se Shefqet Krasniqi dh...
-
Pamje: Një aksident i vogël bllokon rrugën B dhe rrugën C
Një aksident i vogël mes dy veturave rrethrrotullimin që lidhë rrugën B dhe r...