Sport

Përfundon rrethi i dytë i kupës së Kosovës në futboll

Autori: Gazeta inFokus 16:47 | 27 November 2018

Kanë përfunduar takimet e rrethit të dytë në kadër të kupës së Kosovës.

Ndeshja kryesore e ditës, ajo mes Drenicës dhe Prishtinës përfundoi me barzim 0-0 dhe kështu të dyjat skuadrat kanë shkuar në vazhdime e pastaj kanë ekzekutuar edhe penalltitë për të vendosur se cila skuadër do të kaloj në rrethin e tretë, shkruan Gazeta inFokus.

Më të saktë nga ekzekutimi i penalltive doli të jetë skuadra e Prishtinës e cila arriti të fitojë me rezultat 5-4. Shkelzen Lushtaku ishte i pari i cili gjuajti për skuadrën e Drenicës, por gjuajtjen e tij e ndali portieri Visar Bekaj. Drenica u rikthye në lojë, kur Mergim Pevqeli humbi penaltinë pasi goditja e tij përfundoi mbi portë.

-Advertisement-

Shpëtimtari i Prishtinës përsëri ishte portieri fantastik Visar Bekaj, i cili kësaj radhe me këmbë ndali gjuajtjen e Hysen Tahirit. I saktë në penalltinë e fundit për Prishtinën, u tregua djaloshi Donat Hasanaj, dhe kështu Prishtina e Mirel Josës kaloi në rrethin tjetër të kupës së Kosovës.

Në Obiliq, ndeshja mes KEK-ut dhe Flamurtarit ka përfunduar me fitoren e skuadrës mysafire me rezultat 0-1.

Trajneri Ismet Munishi me skuadrën e tij Vllaznimi kanë arritur të fitojnë me rezultat 3-0 përball Bashkimit të Koretnikut.

Fitoret më të thella në këtë rund janë arritur nga Liria e Prizrenit e cila mposhti 11-0 Lugon e Baranit, si dhe Ferizaji fitoi 6-2 përball Vllaznis së Zhurit.

Këto janë të gjitha rezultatet e ndeshjeve të sotme të rrethit të dytë të kupës së Kosovës.

Drenica – Prishtina 0-0 (4-5)Penallti
KEK-u – Flamurtari 0-1
Sharri – Gjilani 2-2 (pas vazhdimeve, 2-5)
Bashkimi (K) – Vëllaznimi 0-3
Drenasi – Ballkani 0-1
Dukagjini – Arbëria 3-1
Istogu – Ramiz Sadiku 3-0
Lugu i Baranit – Liria 0-11
Fushë Kosova – Onix 3-2
Vllaznia (P) – Besa 1-2
Ferizaj – Vllazëria (Zh) 6-2
Kika – Vushtrria 2-0./Gazeta inFokus/

Subscribe në YouTube: GAZETA INFOKUSI