Sport

Përfundon ndeshja në Suharekë, kjo skuadër arkëto tri pikë shumë të rëndësishme

Autori: Gazeta inFokus 15:28 | 21 February 2021

Ballkani e ka gjetur edhe fitoren e dytë radhazi në stinorin pranveror në kampionat, shkruan Gazeta inFokus.

Suharekasit kanë triumfuar ndaj Feronikelit me rezultat minimal 1-0, në sidën e vlefshme për xhiron e 20-të në Superligë.

Në takimin e zhvilluar në stadiumin e qytetit në Suharekë, golin e vetëm për ekipin e drejtuar nga Bledi Shkëmbi, e realizoi Mirlind Daku.

Sulmuesi gjilanas shënoi në minutën e 81’ për ti dhuruar skuadrës së tij tri pikë shumë të rëndësishme në rrugëtimin drejtë titullit kampion.

Pas kësaj fitoreje, Ballkani ka kaluar në pozitën e parë me 44 pikë, aq sa ka edhe Drita që tani ka zbritur në vendin e dytë, kurse Feronikeli mbetet i gjashti me 24 pikë.

Ndeshjen e radhës suharekasit e luajnë në udhëtim te Gjilani, kurse ‘industrialistët’ e presin Drenicën./Gazeta inFokus/

Të tjera