Lajme

Përfundon mbledhja e përbashkët, Kurti, e falënderon Ramën me “i dashur Edi”

Autori: Gazeta inFokus 13:45 | 20 June 2022

Ka përfunduar në një atmosferë të mirë mbledhja e përbashkët e Qeverisë së Kosovës dhe Qeverisë së Shqipërisë me falënderimin e ngrohtë të kryeministrit Albin Kurti për kryeministrin e Shqipërisë, Edi Ramën dhe ministrat e të dyja qeverive.

Pika e fundit e mbledhjes kishte të bënte me bashkëfinancimin e projektit albanologjik “Enciklopedia Shqiptare”.

“Unë e konsideroj personalisht një vepër për t’u krenuar sepse është një vepër e munguar prej shumë kohësh”, tha kryeministri i Shqipërisë, Edi Rama.

Në fund, Kurti e falënderoi Ramën dhe ministrat.

“I nderuar kryeministër Rama, i dashur Edi, të nderuara ministre dhe ministra, unë ju falënderoj nga zemra dhe ju përgëzoj për punën dhe angazhimin e deritanishëm”, tha ai.

Pas kësaj mbledhjeje, sipas agjendës, është planifikuar të mbahet ceremonia e nënshkrimit të marrëveshjeve ndërqeveritare dhe pas kësaj një konferencë e përbashkët për shtyp e Kurtit dhe Ramës.

Të tjera