Lajme

Përfshirja në fushatë, ministri i Drejtësisë shkarkon 8 zyrtarë

Autori: Gazeta inFokus 14:24 | 03 June 2017

Ministri i ri i Drejtësisë, Gazmend Bardhi ka shkarkuar këtë të shtunë nga detyra 8 zyrtarë të lartë, funksionarë në institucione të ndryshme të shtetit.

Sipas një njoftimi për shtyp nga MD, shkarkimi ka ardhur pasi është konstatuar se zyrtarët në fjalë kanë shkelur ligjin duke u përfshirë në aktivitete elektorale, si dhe për neglizhencë në kryerjen e detyrave.

Zyrtarët në fjalë janë nga Zyra e Regjistrimit të Pasurive të Paluajtshme, Sistemit të Burgjeve dhe Zyrës së Përmbarimit.

-Advertisement-

Rastet e 8 zyrtarëve në fjalë i janë përcjellë Prokurorisë së Përgjithshme, për veprën penale të “përfshirjes në kundërshtim me ligjin në fushatën zgjedhore të një subjekti zgjedhor”.

Konkretisht, Ministri i Drejtësisë ka urdhëruar shkarkimin e:

1) Drejtorit të IEVP Fier z. Jetnor Krakulli;

2) Regjistruesit të Zyrës Vendore të Regjistrimit të Pasurive të Paluajtshme Durrës z. Ani Dyrmishi;

3) Drejtorin e IEVP Lezhë z. Eduart Kurti;

4) Regjistruesit të Zyrës Vendore të Regjistrimit të Pasurive të Paluajtshme Sarandë znj. Adriana Shehu;

5) Drejtorit të IEVP Rrogozhinë z. Ahmet Bala;

6) Drejtorit të IEVP Burrel z. Fatjon Kurti;

7) Kryetarit të Zyrës së Përmbarimit Gjyqësor Durrës z. Surin Hoxha;

8) Drejtorit të IEVP “Jordan Misja” (nr.313) z. Fatjon Fana

Subscribe në YouTube: GAZETA INFOKUSI
Etiketa:
MYZHDE për krejt!
-Advertisement-

Të tjera

Fokusi

lajme