Përfshirja e Ivanoviq në “Rojet e Urës”, flet dëshmitari dhe i mbijetuari i një masakre
Autori: Gazeta inFokus 22:36 | 17 January 2023
Është Isa Mustafa personi i cili i mbijetoi një masakre e për të cilën edhe dëshmoi për përfshirjen e politikanit serb, Oliver Ivanoviq në “Rojet e Urës”.
I ftuar në “Debat Plus’ të RTV Dukagjini, Mustafa tregon se si Ivanoviq kishte dhënë urdhëra për ekzekutime ndonëse të njëjtat nuk i kishte kryer vet.
Pyetjet e parashtruara Mustafës, të martën në emision
Zotëri Mustafa, ju keni dëshmuar në kohë të UMNIK-ut për përfshirje të Oliver Ivanoviq tek “Rojat e Urës” dhe zullumin ndaj shqiptarëve?
Mustafa: “Unë kam dëshmuar për rastin e 14 prillit të vitit 1999, masakrën e kryer në “Lagjen e Kovaçëve” në Mitrovicë. Në atë masakër janë ekzekutuar 24 veta, nën urdhërin e Oliver Ivanoviqit. Janë edhe 7 pas asaj nate. Domethënë, ajo lagje ka të përfshirë 31 të vrarë. Si lagje, është shumë e dëmtuar”.
Dhe ju e keni parë vet personalisht Oliver Ivanoviqin?
Mustafa:“Po, e kam dëshmuar edhe gjatë seancave gjyqësore që gjithnjë Oliver Ivanoviqi ka dhënë urdhëra për ekzekutime. Nuk ka ekzekutuar por i ka dhënë urdhërat për ekzekutime, ekzekutuesit kanë qenë të tjerë, edhe gjatë kohës së UMNIK-ut, edhe gjatë kohës së EULEX-it. Më 23 nëntor të vitit 1999, për herë të parë e kam deponuar dëshminë në gjyq, në Gjykatën Themelore të Mitrovicës. Që nga ajo datë e deri sa është kryer gjykimi i Oliver Ivanoviqit, unë kam qenë gjithnjë prezent dhe gjithnjë e kam paditur në të njëjtën formë dhe në të njëjtin rast.”
A e keni parë personalisht duke dhënë urdhër për vrasjen e shqiptarëve Oliver Ivanoviqin? Cila ka qenë dëshmia juaj?
Mustafa:“Dëshmia ime ka qenë, kur kemi ardhur të rënditur në vendin e ekzekutimit, e ka pyetur dikush nga grupi i tyre se “Shef, çka do bëjmë me ta”, dhe Oliveri i drejtohet ‘nuk ke ç’ka të më pyesësh. Vepro sipas urdhërave të dhënë’ dhe me automatizëm, kanë filluar ekzekutimet pas atyre fjalëve. Oliver Ivanoviq ka qenë me largësi shumë afër meje dhe e kemi identifikuar, dikush kush e ka njohur më mirë, dikush që nuk e ka njohur. Kryesorja, unë e kam parë 7-8 metra Oliver Ivanoviqin kur edhe i ka dhënë ato urdhëra për ekzekutim”
Ju e keni takuar më pas Oliver Ivanoviqin?
Mustafa: Vetëm gjatë seancave gjyqësore.
Dhe cila ka qenë përgjigja e tij në raport me dëshminë tuaj?
Mustafa: Asnjëherë ai nuk është përgjigjur sepse ka pasur avokatin. Të gjitha përgjigjet janë bërë përmes avokatit që Oliveri nuk i ka bërë këto masakra. Por, gjithnjë gjatë seancave, unë e kam vërtetuar prezencën e Oliver Ivanoviq, gjë që edhe e vërtetuar e faktikisht edhe e gjykuar nga ana e gjyqit me nëntë vite burgim.
Në një komunikatë të 3 shkurtit 2019, partia e Albin Kurtit thoshte se dënimi i politikanit serb Oliver Ivanoviq ishte gjysmak, derisa e akuzonte për vrasjen e dëbimin e shqiptarëve të rënë me 3 dhe 4 shkurt të vitit 2000. Në ditët e sotme, 4 vjet më pas kryetari i kësaj partie e tashmë edhe Kryeministri i Kosovës, Albin Kurti lartësoi figurën e kontributin e Ivanoviq në një video të veçantë në përvjetorin e vrasjes së tij. Një pyetje lidhur me këtë iu parashtrua edhe Mustafës.
Dhe, kur e keni parë këtë deklaratë të Kryeministrit, Albin Kurti, si e keni pritur?
Mustafa: Ndoshta nuk jam unë aq kompetent t’a gjykojë një kryeministër por nuk më ka ardhur mirë si një i mbijetuar i masakrës se në atë masakër kam pasur edhe një njeri të familjes time, kam pasur shokë e e kanë përjetuar rëndë të gjithë. Me çfarë qëllime, unë nuk dua të hyjë në detaje më të mëdha se nuk jam një njeri kompetent ta analizojë deklaratën e Kryeministrit, Albin Kurti.
Të tjera
-
Osmani takohet me dy zyrtaret amerikane në San Salvador, flasin për sigurinë e partneritetin mes dy vendeve
Presidentja Vjosa Osmani ka njoftuar se është takuar me nën-sekretaren e Shte...
-
Deputetët serbë paguhen pa shkuar në seanca, mbi 300 mijë euro nga dhjetori i vitit 2022
Mbi 300 mijë euro është vlera e pagave të dhjetë deputetëve serbë nga dhjetor...
-
Uniformat policore, Sveçla: Serbia është përgjegjëse për tentativën e destabilizimit dhe aneksimit të veriut
Ministri i Punëve të Brendshme, Xhelal Sveçla, ka reaguar pasi policia dje n...
-
Iu gjeten 3 mijë euro false, arrestohet një person në Fushë Kosovë
Policia e Kosovës ka njoftuar se janë gjetur 34 kartëmonedha nga 100 euro të ...
-
Dhuratat që i shkëmbyen Kurti dhe Erdogan gjatë takimit në kompleksin presidencial turk
Kryeministri I Kosovës Albin Kurti është takuar sot me Presidentin e Turq...
-
Aksion i policisë në Leposaviq, konfiskohen dhjetëra uniforma të policisë serbe
Policia e Kosovës gjatë të premtes pasdite ka përfunduar aksionin policor...
-
Në vitin 2030 pritet të përfundojë pastrimi i Kosovës nga mi*nat e luf*tës
Nga 4,520 zona të rrezikshme nga minat në të gjithë Kosovën, pas luftës, tash...
-
Kurti dhe shefi i diplomacisë turke bisedojnë për projekte të përbashkëta
Krahas takimit dhe drekës së punës me Presidentin e Turqisë, Erdogan, bashkë ...
-
Haradinaj: Jemi këmbëngulës për ta bërë Kosovën anëtare të NATO-s
Kryetari i Alenacës për Ardhmërinë e Kosovës (AAK), Ramush Haradinaj, ka marr...
-
1 Qershori, dita pa makina në Tiranë
Për qytetarët e Tiranës e shtuna e 1 qershorit do jetë “Ditë pa makina”, ku q...
-
Kurti vizitoi dhe vendosi kurorë me lule në Mauzoleun e Mustafa Kemal Atatürkut
Pas takimit bilateral me Presidentin e Turqisë, Erdogan, kryeministri i Kosov...
-
Dronët Bayraktar testohen në Aeroportin e Gjakovës
Dronët Bayraktar janë testuar të premten në hapësirat e aeroportit të Gja...