Lajme

Përfshihet nga zjarri një banesë në Prishtinë

Autori: Gazeta inFokus 15:33 | 02 September 2023

Një banesë është përfshirë nga zjarri mëngjesin e sotëm në Prishtinë.

Zëdhënësja e Policisë së Kosovës për Rajonin e Prishtinës, Flora Ahmeti tha për Infokus se përveç dëmeve materiale nuk raportohet për persona të lënduar.

“Sot rreth orës 04:00, është raportuar se në rrugën “Lekë Dukagjini” në Prishtinë, një banesë është përfshirë nga zjarri. Policia menjëherë ka dalë në vendin e ngjarjes, po ashtu janë ftuar edhe zjarrfikësit. Përveç dëmeve materiale nuk raportohet për persona të lënduar”, tha Ahmeti për Infokus.

-Advertisement-

Ahmeti tha se policia ka nisur ndërmarrjen e veprimeve hetimore për sqarimin e plotë të rrethanave që karakterizojnë rastin, i cili nga prokurori i shtetit është cilësuar zjarr-vënie.

Subscribe në YouTube: GAZETA INFOKUSI