Lajme

Përfaqësuesi i Partisë së Ashkalinjëve: Kemi shërbyer në UÇK pa dallime feje dhe etnie

Autori: Gazeta inFokus 17:51 | 02 December 2020

Qazim Rrahmani, sekretar i partisë së Etem Arifit ka qenë sot i ftuar në emisionin Frontal. Ai ka konfirmuar se ka pasur shumë pjesëtarë të komunitetit ashkalinj që kanë qenë pjesë e UÇK`së.

“Ashkalinjët e kanë dhënë një kontribut të madh në Ushtritë Çlirimtare ku kanë luftuar me qytetarët pa dallime sepse na ka lidh gjuha, feja”, ka thënë Rrahmani.

Sipas tij ashkalinjët në kuadër të UÇK`së nuk e kanë pasur asnjë dallim në luftën për liri.

-Advertisement-

“Ashkalinjët asnjë dallim nuk e kanë me luftëtarët shqiptar sepse kemi luftuar për paqe. Lufta e UÇK-së është e pastër”, ka thënë ai në T7.

Së fundmi me publikimin e aktakuzave nga Gjykata Speciale janë vërejtur dallime etnike. Në dokumentet e Speciales është thënë se pjesëtarët e UÇK`së kanë kryer krime edhe mbi pjesëtarë të komuniteteve përfshirë këtu edhe atyre ashkalinj.

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu

Të tjera