Auto&Tech

Përdorimi i Wi-Fi në vende publike shumë i rrezikshëm

Autori: Gazeta inFokus 19:56 | 23 May 2017

Përdorimi i internetit Wi-Fi në vende publike si bare, restorante apo aeroporte është mjaft i rrezikshëm.

Ekspertët e sigurisë japin alarmin se kjo është mënyra më e lehtë se si hakerët mund të vjedhin llogarinë tuaj.

Konsumatorët duhet të jenë më të vetëdijshëm për rreziqet potenciale të lidhjes me një rrjet publik Wi-Fi, ka paralajmëruar një raport i ri për sigurinë kibernetike.

Kriminelët kibernetikë synojnë pikërisht këtë kategori njerëzish që lidhen me rrjetet publike Wi-Fi. Në këtë mënyrë ata mund të kenë qasje në të dhënat e tyre private, pa e kuptuar përdoruesi.

-Advertisement-

Një studim që përfshiu 500 drejtues dhe vendimmarrës IT, nga Mbretëria e Bashkuar, SHBA, Gjermania dhe Franca, arriti në konkluzionin se kafenetë janë vendet më të njohura për t’u lidhur me një rrjet publik Wi-Fi, të ndjekur më pas nga aeroportet dhe hotelet.

Subscribe në YouTube: GAZETA INFOKUSI