Lajme

Për një vit tetë të vrarë nga armët zyrtare të policisë

Autori: Gazeta inFokus 09:17 | 20 February 2020

Pesë anëtarët e familjes Bllaca të Gjilanit janë qëlluar për vdekje nga arma zyrtare e Policisë së Kosovës. Valdete Bllaca, pjesëtare e policisë, të martën ka shtënë në prindërit dhe dy vëllezërit e saj, e më pas ka vrarë veten me armën zyrtare.

Shfrytëzimi i armës nga ajo ishte i jashtëligjshëm, meqë më parë, me rekomandim të psikologut, asaj i ishte hequr e drejta e mbajtjes së saj. Rikthimi i armës te Bllaca ka qenë një nga arsyet e suspendimit të katër zyrtarëve të stacionit policor në Gjilan, shkruan sot “Koha Ditore”.

Statistikat zyrtare tregojnë se ndër vite ka pasur disa viktima nga armët zyrtare.

-Advertisement-

Vetëm gjatë vitit 2019 janë vrarë tre persona. Në maj të atij viti, Jetmir Aliaj, punëtor në një kazino, u vra në vendin e tij të punës. I dyshuar për vrasjen e tij është Shefki Spahiu, pjesëtar i Policisë së Kosovës, me gradë të rreshterit. Ai po përballet me akuzën për vrasje të rëndë dhe për manipulim me prova. Spahiu dyshohet që vrasjen e Aliajt e ka kryer me armë zyrtare, duke shtënë nga distanca prej një metër.

Sipas Prokurorisë, pas vrasjes, karikatorit të armës zyrtare të policit i mungonte një plumb.

Lulzim Spahiu është një tjetër viktimë e armës zyrtare. Ndaj tij dyshohet se ka qëlluar polici Vllaznim Hamdia. Sipas kërkesës së Prokurorisë së Gjilanit për caktimin e paraburgimit, ekziston dyshimi i bazuar që i dyshuari Vllaznim Hamdia, më 29 dhjetor 2019, rreth orës 04:50 minuta, në rrugën ‘’NATO 99’’, në Gjilan, ka privuar nga jeta Lulzim Spahiun.

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera