Lajme

Për dy ditë ndalohet qarkullimi i transportit publik dhe automjeteve taxi në sheshin “Xhorxh Bush”

Autori: Gazeta inFokus 09:05 | 13 May 2023

Trafiku Urban Prishtinë ka njoftuar se nga data 13 deri më 14 maj do të ndalohet qarkullimi i transportit publik dhe automjeteve Taxi në sheshin “Xhorxh Bush”.

Në njoftimin e bërë për media bëhet e ditur se kjo do të ndodhë për shkak të mbajtjes së aktivitetit shënimi i fillimit të verës “Erdhi Lezeti”.

“Duke u bazuar në vendimin e datës 12.05.2023 të Komunës së Prishtinës se nga data 13 Maj 2023 deri më 14 Maj 2023, do të ndalohet qarkullimi i transportit publik dhe automjeteve Taxi në sheshin “Xhorxh Bush” me qëllimin e mbajtjes së aktivitetit shënimi i fillimit të verës “Erdhi Lezeti”. Rrjedha e qarkullimit të autobusëve në linjat 1, 1A, 3, 4, dhe 7C do të ndryshojnë nga sheshi “Xhorxh Bush” në drejtim të Bulevardit “Bill Kllinton” dhe rrugës “Robert Doll”. Ju falënderojmë për mirëkuptim”, thuhet në njoftim.

-Advertisement-