Lajme

Për demarkacionin mungon vetëm një votë

Autori: Gazeta inFokus 17:20 | 14 March 2018

Numri prej 78 deputetëve të Kuvendit të Kosovës që tashmë kanë shprehur gatishmërinë për të votuar marrëveshjen për shënjimin e kufirit mes Kosovës dhe Malit të Zi u rrit pasditen e së mërkurës.

Rikthimi i deputetes së Vetëvendosjes, Donika Kadaj-Bujupi në Aleancën për Ardhmërinë e Kosovës, rriti shpresat se shumë shpejtë do të zgjidhet çështja e demarkacionit që Kosovës i mori më shumë se tri vite, shkruan Infokusi.com.

Kryetari i Kuvendit të Kosovës, Kadri Veseli ka bërë të ditur se kanë arritur 78 vota pro demarkacionit ndërsa vazhdimisht ka shprehur bindjen se kjo pikë do të kalojë në seancën e ardhshme.

-Advertisement-

E kjo seancë me shumë gjasë do të mbahet këtë javë pasi edhe kryeministri i Kosovës, Ramush Haradinaj javën e kaluar ka thënë se seanca do të mbahet gjatë kësaj jave ndërsa është shprehur shumë optimistë se demarkacioni do të votohet. Kundër demarkacionit janë shprehur deputetët e Vetëvendosjes dhe Listës Serbe./INFOKUSI

Subscribe në YouTube: GAZETA INFOKUSI
Etiketa:
A e dini ku janë ZBRITJET ma t’mdhaja për festën e Bajramit?
-Advertisement-

Të tjera

Fokusi

lajme