Pensionistët të zhgënjyer me Kurtin: Na ka shkatërruar
![](https://gazetainfokus.com/wp-content/uploads/2024/05/Screenshot_1-2-787x460.png)
Autori: Gazeta inFokus
16:25 | 26 May 2024
Pensionistët nga radhët e Shoqatës së Pensionistëve Invalidorë të Punës në Komunën e Prishtinës kanë paditur Qeverinë e Kosovës për mos rritje pensionesh, padi të cilën e kanë bërë individualisht.
Ata ankohen se pensionet momentale nuk ofrojnë as për së afërmi mundësinë e jetesës për shkak të çmimeve të larta. Ata po ashtu kërkojnë pastrimin e listës së pensionistëve pasi që ka shumë prej atyre që marrin pensione edhe në Kosovë, por edhe nga shtetet e tjera, Zvicra ose Gjermania.
Pensionisti nga Shoqata e Pensionistëve, Hajrush Emini ka thënë për KosovaPress-in se janë dakord të rriten pensionet, por njëkohësisht duhet pastruar lista e atyre që marrin nga dy pensione.
“Vështirë është të bëhet diçka për pensione në këto kushte. Pa u pastruar listat e pensionistëve është vështirë të ndërmerret diçka, për shkak se kemi me mijëra njerëz që i marrin nga dy pensione, në Zvicër e këtu. Kemi veteranët, 40 mijë persona që nëse i hiqet një, veteranit i bëhet pensioni 680 euro. E dyta, e kemi Serbinë duke na kërcënuar çdo ditë, është marrë buxheti mbi pesë milionë, tash janë 300 milionë për ushtri. Përndryshe unë kam pensionin e arsimit, pak më mirë se të tjerët. Unë e kam bindjen se pa u pastruar listat është vështirë të përmirësohet gjendja. Janë 20 kategori të pensionistëve, duhet të gjitha kategoritë të shikohen…Nuk ka person që nuk është dakord të rriten pensionet, por në mënyrë të arsyeshme, pa u politizuar…Kanë marrë iniciativë për padi, për ta paditur Qeverinë pse nuk i kanë rritur pensionet në bazë të inflacionit, por në vend që të paditet me një lëndë, udhëheqja ta paditë në emër të pensionistëve, këta kanë dërguar secili”, ka thënë Emini.
Pensionisti Qamil Haliti shprehet i mllefosur me Qeverinë aktuale, duke thënë se ka lënë pas dore këtë kategori të ndjeshme të shoqërisë.
“Jo që na ka ndihmuar, por na ka shkatërruar. Arsyeja është se për këta tri vjet çdo gjë është rritur, jo vetëm me 15 për qind, por 100 për qind. Pensionistëve, por edhe arsimit e veteranëve, ky nuk i dëshiron askënd, ky e dëshiron vetëm Serbosllavinë, se është i krijuar për zhdukjen e popullit shqiptar në Kosovë, sidomos për Kosovën, nuk ka kurrfarë ndjenja kombëtare…Po thonë tri vjet e gjysmë (qeverisje), nuk ka qenë në gjendje në Kosovë askund një guri ta drejtojnë, për çdo gjë ka shkuar vetëm prapa, edhe me asociacion e bëri bërllok, çka do të thotë se na ka futur në rrugë pa kokë, ku Kosova tash e ka situatën më të vështirë, kurrë nuk e ka pasur këtë… Nuk luajmë rol ne pensionistët, nuk kemi në dorë ne, as me shehër as me Barilevë. Si të na diktojnë, ashtu shkojmë. Na qesin para, shkojmë i marrim sikur nuk i ka qitur dhe nuk presim që të qesë. Bile, pensionistët janë ata veteranë të luftës që nuk dëshirojnë me e pa me sy në Kosovë. Ky edhe nuk ka vend më në Kosovë, sepse ka prishur çdo hapësirë, çdo inteligjencë e ka zhdukur. Edhe rininë e largoi nga vendlindja… A me mua duhet të zhvillohet Kosova që i kam bërë 72 vjet, a? Duhet të zhvillohet rinia, ku janë ato punësime… Unë nuk shoh që ka bërë diçka, por vetëm e ka shkatërruar”, është shprehur Haliti.
Ngjashëm shprehet pensionisti tjetër, Kadrush Bullatovci, i cili kritikon Qeverinë Kurti se nuk po e ndihmon këtë kategori. AI thotë se iu është bashkangjitur të tjerëve në padinë e ngritur ndaj Qeverisë për mos rritje të pensioneve.
“Kurrë nuk ka ndihmuar, asgjë nuk duhet… Çka ka me ankesa, si të tjerët çka të bëjnë, edhe unë kam dorëzuar letër dhe jam bashkangjitur, por asgjë nuk ka”, ka thënë ai.
Ndryshe, Qeveria e Kosovës mund të vendosë për shumën e re të pensioneve varësisht nga shkalla e inflacionit dhe mundësitë buxhetore. Sipas Ligjit për skemën pensionale, harmonizimi i pensionistëve me koston e jetesës bëhet një herë në vit duke rritur shumën që duhet paguar me të njëjtën përqindje bazuar në indeksin e kostos së jetesës të vitit paraprak. Pensionistët marrin 100 deri 260 euro në muaj, varësisht nga kategorizimi.
![](https://gazetainfokus.com/wp-content/uploads/2024/07/Universum-cover-4-korrik-600x3601-1.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...