Pëllumb Pipero: Të infektuarit janë dy-tre herë më shumë, por nuk identifikojmë dot kontaktet. Jemi shumë të lodhur
Autori: Gazeta inFokus 19:51 | 07 August 2020
Pëllumb Pipero: Të infektuarit janë dy-tre herë më shumë, por nuk identifikojmë dot kontaktet. Jemi shumë të lodhur
Mjeku Pëllumb Pipero ka deklaruar se të infektuarit aktivë me Covid-19 në Shqipëri, nuk janë në të vërtetë 2735 siç është raportuar nga Ministria e Shëndetësisë. I ftuar në studion e “AbcNews”, Pipero tha se numri I të infetkuarve në Shqipëri është dy apo trefish më i lartë, por raportohen aq sepse ata që merren me hetimin epidemiologjik nuk identifikojnë dot të gjithë kontaktet.
“Së paku duhet të ketë dhe 2-3 herë më shumë dhe për shkak të mungesës së kontakteve të cilët nuk i identifikojmë dot. Këto raste potencialisht mund ti konsiderojmë si kandidat për spital. Mjekët e familjes në koordinim me epidemiologët bëjnë të pamundurën për të menaxhuar situatën,”- tha Pipero.
I pyetur për mënyrën se si mjekohen në shtëpi të infektuarit, Pipero sqaroi se mjekëve të familjes u është bërë trajnim në Urgjencën Kombëtare dhe në bazë të fazës së sëmundjes u është dhënë lista e mjekimeve.
“Nxitimi për të dhënë antibiotik pa pasur klinik është i gabuar. Dua të them që mjeku i familjes është trajnuar jo vetëm nga Urgjenca Kombëtare, por edhe nga ne. Janë bërë disa trajnime dhe di të them se i kemi trajnuar dhe ky është një nga avantazhet që ka mjeku i familjes në përballjen me COVID-19. Nuk duhet të nxitohemi, skema për tu përdorur ndryshon sipas fazave të sëmundjes. Ata që kanë nevojë për trajtim u kemi dhënë skema të duhura. Nëse ka vështirësi në frymëmarrje komunikohet me 127,″- shtoi mjeku.
Në fund, Pipero tha se si ai ashtu edhe mjekët e tjerë janë shumë të lodhur dhe se dita e tyre e punës është shumë e ngarkuar.
Pjesë nga intervista
Pyetje: I keni dhënë një listë ilaçesh që duhet të rekomandojnë?
Pipero: Sqarova se nuk duhet të nxitohemi, skema për tu përdorur ndryshon sipas fazave të sëmundjes. Ata që kanë nevojë për trajtim u kemi dhënë skema të duhura. Nëse ka vështirësi në frymëmarrje komunikohet me 127.
Ja dilni të përballoni edhe mjekët e familjes që ju marrin në telefon përveç punës në spital, pacientëve apo edhe jetës familjare?
Pipero: E them me sinqeritet se jemi të lodhur. Komunikimi është pothuajse gjatë gjithë ditës si me qytetarët si me pacientët. Dita jonë e punës është totalisht e ngarkuar. U bë pothuajse 4-5 muaj që spitali i sëmundje infektive ka një ngarkesë shumë më të madhe. Më parë kemi pasur shtrime të larta por kanë qenë edhe familjarë që iu vinin në ndihmë të afërmve të tyre, por me këtë sëmundje të gjithë ngarkesën e përballon personeli shëndetësor.
Ju jeni kontaktuar nga njerëz që kanë nevojë për konsulentë dhe që mjeku i familjes nuk i përballon dot?
Pipero: Asnjë nuk më ka thënë që mjeku u familjes nuk është përgjigjur. Angazhimi jonë është në maksimum. Menaxhimi i pandemisë ka shumë vend për tu përmirësuar. Në këto situatë pandemie duhet të pyeten më shumë specialistët.
Sakaq në Shqipëri rëndohet çdo ditë bilanci i COVID-19. 189 viktima, 2735 pacientë me Covid-19 dhe 3227 të shëruar, ku është bilanci i deritanishëm. Gjatë 24 orëve të fundit humbi jetën edhe një 58-vjeçar nga Tirana, ndërkohë 20 pacientë janë në terapi intensive, 3 prej të cilëve të intubuar.
Të tjera
-
KMDLNj: ZRrE-ja do ta vazhdojë keqbërjen ndaj qytetarëve të Kosovës
Këshilli për Mbrojtjen e të Drejtave dhe Lirive të Njeriut (KMDLNj) ka dekl...
-
Sot mbahet seanca për shtesat e punëtorëve teniknik për COVID-19
Kryetar i Sindikatës së Pavarur të Sektorit Privat të Kosovës, Jusuf Azemi, k...
-
Sanduloviq: I kam paralajmëruar BE-në dhe ShBA-në për Vuçiqin, nuk më dëgjuan
Politikani opozitar serb, Nikola Sanduloviq, ka thënë se ka paralajmëruar Bas...
-
Kurti për dinarin: S’pranojmë propozime që janë në kundërshtim me rregulloren e BQK
Të gjitha problemet, të cilat mund t’i kenë qytetarët serbë, ne do t’i adreso...
-
Vështirësohet situata për Trump? Në gjyqin e tij, “dy dëshmitarë të parehatshëm”!
Gjërat po vështirësohen për ish presidentin amerikan Donald Trump. Një gjy...
-
Sot mbahet seanca për shtesat e punëtorëve teniknik për COVID-19
Kryetar i Sindikatës së Pavarur të Sektorit Privat të Kosovës, Jusuf Azemi, k...
-
Shtyhet gjykimi ndaj të akuzuarit për shantazh, i kërkoi 20 mijë euro një personi për të mos ia publikuar disa biseda
Për shkak se nuk ishte i pranishëm askush nga Prokuroria për ta përfaqësuar a...
-
Tabelat e reja në veri po pastrohen pasi u lyen me bojë
Tabelat që tregojnë në shqip dhe serbisht emrat e vendbanimeve në veri të Kos...
-
Ministra dhe eurodeputetë kërkojnë përshpejtimin e zgjerimit të BE-së
Deputetët e Parlamentit Evropian në Komisionin për Politikë të Jashtme, dhe n...
-
Pjetër Shalës i vazhdohet paraburgimi
Në Dhomat e Specializuara të Kosovës (DhSK) është marrë vendim për vazhdimin ...
-
Peci thotë se për tre vjet ka ndryshuar rrjedhën e sektorit të bujqësisë në Kosovë
Ministri i Bujqësisë, Faton Peci, përmes një postimi në Facebook, ka thënë se...
-
Pasi mposhti tumorin për herë të tretë, Adriana Matoshi shfaqet e lumtur krah fëmijëve
Deputetja e Kuvendit të Kosovës, Adriana Matoshi, ditë më parë iu nënshtrua n...