Lajme

Peleshi jep detaje rreth zjarreve që shpërthyen sot në Shqipëri

Autori: Gazeta inFokus 15:46 | 26 July 2023

Ministri i Mbrojtjes në Shqipëri, Niko Peleshi, ka folur për situatën e zjarreve që është atje.

Ai, me anë të një postimi në Facebook, ka bërë të ditur se pesë vatra aktive zjarri janë evidentuar gjatë ditës së sotme në territorin e vendit.

“Për shuarjen e tyre janë angazhuar 144 efektivë të Forcave të Armatosura, 13 mjete, 3 zjarrfikëse dhe helikopteri Cougar. Po punohet me intensitet për mbajtjen nën kontroll të vatrave të zjarrit në fshatrat Peshtan Plyk, Kraps, Kreshpan, njësia administrative Frakull”.

-Advertisement-

“Ndërsa u kërkua ndërhyrja e helikopterit në pyllin me pisha në fshatin Gjorgoz, pasi ndërhyrja me mjete dhe forca nga terreni është e pamundur. Po punohet ndërkaq edhe në një vatër zjarri në fshatin Hekal, bashkia Mallakastër. Po vijon gjithashtu operacioni për kapsulimin e vatrave në vendgrumbullimin e mbetjeve urbane, në Bashkinë Vlorë”.

“Në fshatin Buz, në Bashkinë Memaliaj po vijon puna nga terreni për izolimin e vatrës së zjarrit. Është bërë e munduar shuarja e vatrës së zjarrit në fshatin Skrevan, Bashkia Dimal, ku aktualisht ka vetëm prezencë tymi. Situata është nën kontroll dhe zjarri po shkon drejt izolimit të plotë në malin e Gjallicës, njësia administrative Shtiqën, Bashkia Kukës”, ka shkruar Peleshi.

Subscribe në YouTube: GAZETA INFOKUSI
Etiketa:
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…
-Advertisement-

Të tjera

Fokusi

lajme