Lajme

PE miraton rezolutën për Kosovën

Autori: Gazeta inFokus 15:56 | 14 Qershor 2017

Deputetët e Parlamentit Evropian në Strasburg miratuan sot rezolutën për Kosovën, me të cilën kërkohet formimi i shpejtë i qeverisë pro-evropiane dhe përparimi në liberalizimin e vizave, por edhe dialog konstruktiv në dialogun me Beogradin, transmeton KosovaPress.

Në rezolutë, e cila u miratua me 474 vota për dhe 134 kundër, derisa 64 deputetë abstenuan, thuhet se pesë vende anëtare të BE-së nuk e kanë pranuar Kosovën dhe nëse të gjitha vendet anëtare do ta bënin këtë, një gjë e tillë do të ngritë kredibilitetin e BE-së në politikën e saj të jashtme dhe do të ndihmonte në normalizimin e marrëdhënieve ndërmjet Kosovës dhe Serbisë.

Nënkryetarja e Parlamentit Evropian dhe raportuesja për Kosovën Ulrike Lunacek ka thënë se në raportin e saj, të cilin sot e miratuan euro-deputetët, kërkon formimin e shpejtë të qeverisë pro-evropiane dhe përparimin në liberalizimin e vizave, si dhe vazhdim konstruktiv të dialogut me Beogradin.

-Advertisement-

“Mbështetja e sotme e gjerë në Parlamentin Evropian të raportit tim konfirmon perspektivën evropiane për Kosovën. Kjo perspektivë është e domosdoshme për demokracinë, ekonominë, por edhe zhvillimin e Kosovës drejt sundimit të ligjit. Politika e bllokadës në politikën e brendshme gjatë muajve të kaluar duhet dhënë fund. Raporti për shkak të kësaj kërkon formimin e shpejtë të qeverisë pro-evropiane dhe kthimin drejt politikës konstruktive, të drejtuar kah zgjidhja e problemeve në dobi të qytetarëve”, ka thënë Lunacek në kumtesë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy