Lajme

PDK të premten bën kallëzim penal për të gjithë anëtarët e bordit të ZRRE-së

Autori: Gazeta inFokus 13:51 | 21 April 2022

Shefi i Grupit Parlamentar të Partisë Demokratike të Kosovës (PDK), Abelard Tahiri, ka thënë që nesër do të bëjnë kallëzim penal për të gjithë anëtarët e bordit të ZRRE-së, për shkak se po vazhdojnë t’i shpërndajnë faturat e energjisë me rritje.

“Sa i përket mosrespektimit të vendimit të Zyrës së Rregullatorit të Energjisë vendimin e Gjykatës në këtë rast për pezullimin e rritjes së çmimit të energjisë elektrike, meqë Zyra e Rregullatorit të Energjisë, tashmë e ka deklaruar disa herë që nuk do ta respektojë një vendim të gjykatës për pezullimin e çmimit. Tarifimi i energjisë elektrike ka vazhduar me tarifat e reja.

“Ne qysh nesër do të procedojmë në Prokurorinë Speciale me kallëzim penal për secilin anëtar veç e veç të Zyrës së Rregullatorit të Energjisë Elektrike.

-Advertisement-

Tahiri ka theksuar se ky është një vendim antiligjor i cili nuk duhet të implementohet.

“Në mënyrë të njëanshme, të jashtëligjshme dhe abuzive ka vendosur me i tarifu qytetarët me çmim të shtrenjtimit të energjisë mbi 100 përqind. Ky është një haraç që vartësit e Albin Kurtit e kanë vendosur me ja vënë qytetarëve dhe ne nuk do ta tolerojmë një gjë të tillë”.

Subscribe në YouTube: GAZETA INFOKUSI