Lajme

PDK sot bën kallëzim penal ndaj të gjithë anëtarëve të bordit të ZRRE-së

Autori: Gazeta inFokus 07:41 | 22 April 2022

Partia Demokratike e Kosovës sot do të bëjë kallëzim penal ndaj të gjithë anëtarëve të bordit të Zyrës së Rregullatorit të Energjisë.

Kjo është bërë e ditur dje nga shefi i Grupit Parlamentar të PDK-së, Abelard Tahiri, i cili tha se ky kallëzim penal do të bëhet për shkak se ata kanë vazhduar me tarifimin e faturave të energjisë me rritje.

“Sa i përket mosrespektimit të vendimit të Zyrës së Rregullatorit të Energjisë vendimin e Gjykatës në këtë rast për pezullimin e rritjes së çmimit të energjisë elektrike, meqë Zyra e Rregullatorit të Energjisë, tashmë e ka deklaruar disa herë që nuk do ta respektojë një vendim të gjykatës për pezullimin e çmimit. Tarifimi i energjisë elektrike ka vazhduar me tarifat e reja. Ne qysh nesër do të procedojmë në Prokurorinë Speciale me kallëzim penal për secilin anëtar veç e veç të Zyrës së Rregullatorit të Energjisë Elektrike”, është shprehur ai.

-Advertisement-

Tahiri tutje ka theksuar se ky tarifim është antiligjor dhe nuk duhet të implementohet, njofton Klankosova.tv.

“Në mënyrë të njëanshme, të jashtëligjshme dhe abuzive ka vendosur me i tarifu qytetarët me çmim të shtrenjtimit të energjisë mbi 100 përqind. Ky është një haraç që vartësit e Albin Kurtit e kanë vendosur me ja vënë qytetarëve dhe ne nuk do ta tolerojmë një gjë të tillë”, tha ai.

Subscribe në YouTube: GAZETA INFOKUSI