PDK s’i ndal kritikat ndaj qeverisë Kurti, e quan të paaftë dhe të papërgatitur
Autori: Gazeta inFokus 10:35 | 24 April 2021
Partia Demokratike e Kosovës nuk po i ndal kritikat ndaj qeverisë Kurti. Të njëjtën po quajnë të paaftë dhe të papërgatitur për të qenë në krye të ekzekutivit.
Muajin e parë të qeverisjes e vlerësojnë si fillimin më të dobët të mundshëm të një qeverie. Ndërkohë, e shohin të dëmshme edhe mungesën e platformës për dialog të kryeministrit Albin Kurti, disa ditë para vizitës së tij në Bruksel.
Shefi i grupit parlamentar të PDK-së, Abelard Tahiri thotë se qeveria Kurti vetëm është duke improvizuar.
“Realisht ky ka qenë fillimi më i dobët i mundeshim i një qeverie. As ne si PDK nuk e kemi prit duke pas parasysh se Kurti ka qenë për 12 vite në opozitë dhe ka qenë një lloj opozitari i zellshëm dhe kritikues jashtëzakonisht i madh i proceseve që kanë ndodhur në qeverisjet që PDK ka drejtuar dhe ka qenë pjesë e tyre. Në këtë rast, ajo që kemi pa ky ekip qeveritar dhe ky kryeministër janë totalisht të papërgatitur dhe të paaftë për të qeverisë vendin. Ajo që menjëherë duhet të ndodhte pas votimit të qeverisë është që të vinte programi qeveritar në Kuvendin e Kosovës. Realisht seanca e parë që duhet të mbahej pas formimit të qeverisë do të duhej të ishte programi i kësaj qeverie…
Unë si opozitar do të doja me kritiku dhe pas qasje kritike ndaj politikave të caktuara. Mirëpo këtu nuk ke ndaj kujt me pas kritik sepse nuk ka kurrfarë kritike. Këtu kemi kritik ndaj kryeministrit dhe qeverisë vetëm që nuk kanë plan. Është bërë një muaj dhe këta po mundohen me improvizuar”, thotë Tahiri.
Ai i konsideron të papranueshme vendimet e fundit të qeverisë, siç tha për zbritjen e shtesave për mjekët dhe pensionistët.
“Në vend që të ndihmohen edhe më shumë pensionistët sepse janë një kategori e atakuar nga pandemia, këta shkojnë dhe iu zbresë. Kjo është e papranueshme, unë i kërkoj kësaj qeverie ta rishikojë këtë vendim sepse është e papranueshme. Në anën tjetër zbriten shtesat për mjekët që vërtet janë heronj tanë që po ballafaqohen në vazhdimësi me pandeminë. Këtu po e them që kjo qeveri nuk e qeverisë vendin në bazë të rrethanave që janë krijua sepse nuk mundesh me pas prioritet tjetër kur atakohesh prej pandemisë”, deklaron Tahiri.
Lidhur me vizitën e kryeministrit Albin Kurti javën e ardhshme në Bruksel, Tahiri thotë se mungesa e një strategjie për dialogun është e dëmshme.
Ai thotë se PDK nuk do të lejojë të ndërmerret asnjë kompromis që cenon funksionalizmin e vendit, derisa thotë se kontributin për këtë temë do ta japin në Kuvendin e Kosovës.
“Qasja e kryeministrit Kurti në raport me dialogun, pa e pas një vizion të qartë dhe listë të temave dhe vijat e kuqe se deri ku mund të shkojë është e dëmshme për Republikën tonë, sepse kjo i bie se ky do të pranojë çka do që i servohet në tavolinë. Kjo është e papranueshme, prandaj edhe ne po i kërkojmë në vazhdimësi agjendën, listën e temave që ky kryeministër mund t’i ketë…PDK nuk lejon që të ndërmerret asnjë kompromis i vetëm që cenon funksionalizimin e Republikës tonë. Çfarëdo krijimi i ndonjë strukture që do të cenonte funksionalizimin e shtetësisë tonë padyshim që për PDK-në do të jetë i papranueshëm”, thotë ai për kp.
I pari i deputetëve të PDK-së kritikon qeverisjen Kurti edhe për mungesën e një plani për sigurimin e vaksinave.
“Qeveria e Republikës së Kosovës nuk e ka plan, ide dhe nuk e ka haberin për sigurimin e vaksinat. Në fund të fundit, nuk është ndonjë që fshihet ndonjë filozofi e madhe brenda tyre, i dina kompanitë që prodhojnë vaksina. Krejt çka do të duhej të ishte, është një angazhim më serioz i kryeministrit dhe ministrit të Shëndetësisë në kontaktet me këto kompani dhe nuk po i shohim. Në anën tjetër, jemi dëshmitar se numri i vdekjeve në Kosovë po rritet çdo ditë e më shumë. E çka po bënë qeveria, po e ulë numrin e testimeve, gjë që duhej të ishte e kundërta. Prej se ka ardh ky kryeministër, numri i testimeve po bie, derisa numri i vdekjeve po rritet. Kjo është tmerr”, thotë ai.
Të tjera
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...
-
Abdixhiku: Shqiptarët në Maqedoninë e Veriut u ndanë, Kurti dhe gjithë aparati qeveritar u bënë akter aktiv
Kryetari i Lidhjes Demokratike të Kosovës (LDK), Abdixhiku, ka reaguar pas re...
-
Ngjarjet e datës 25 prill
Vazhdon procesi gjyqësor në rastin Thaçi dhe të tjerët – gjykimi. (Hagë, ora ...
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...
-
Festa e Frontit Europian, Ahmeti: Ky kapitull u mbyll me sukses, me mbi 40 mijë vota epërsi ne shënuam fitore
Kryetari i Bashkimit Demokratik për Integrim, Ali Ahmeti në festën e fitores ...
-
Valon Syla pas fitores së Osmanit: Kur Albin Kurti të shkojë në plazhet greke, më nuk i bie kah Maqedonia
Analisti Valon Syla tha se kryeministri Albin Kurti ka marrë leksion sonte sa...
-
Kurti fton diasporën që të marrë pjesë në regjistrimin online të popullsisë: Jeni shtyllë qendrore e shtetit tonë
Kryeministri i vendit, Albin Kurti ka thënë se Kosova për herë të parë ka fil...
-
Shpallet vendimi për mbylljen e TikTok-ut në SHBA
Pasi Kongresi amerikan votoi në favor të projektligjit për mbylljen e TikTok-...
-
Bujar Osmani shpall fitoren, i kërkon Arben Taravarit ta pranojë humbjen
Kandidati i BDI-së nga Fronti Europian për president të Maqedonisë së Veriut,...
-
BDI-ja nisi festën në Sheshin Skënderbeu në Shkup, Grubi: Fitoi UÇK-ja dhe Ali Ahmeti
Një numër i madh i simpatiznatëve të BDI-së janë grumbulluar në Sheshin Skend...
-
“Mbylleni derën, shkoni në shtëpi”- simpatizantët e BDI-së para shtabit të VLEN
Simpatizantët e BDI-së provokojnë përfaqësuesit e VLEN-it të cilët kanë lëshu...
-
Kandidatja e VMRO-së prin në zgjedhjet presidenciale në Maqedoninë e Veriut
Në Maqedoninë e Veriut qytetarët më 24 prill votuan për presidentin e ri të s...