PDK: Martin Berishaj të shkarkohet urgjentisht, është mbrojtur nga kryeministri dhe presidentja
Autori: Gazeta inFokus 14:18 | 17 August 2022
Partia Demokratike e Kosovës ka akuzuar pushtetin se ka mbrojtur ambasadorin Martin Berishaj, të cilit Agjencia Kundër Korrupsionit i ka ngritur kallëzim penal.
Zëdhënësi i PDK-së, Faton Abdullahu në një konferencë për media tha se partia e tij këtë rast e ka kualifikuar si aferë korruptive dhe të rrezikshme, ndërsa sipas tij nga ana e pushtetarëve pak pasur pak përgjigje e edhe ato të paargumentuara, gjë që ka ngjallur dyshime.
“PDK tash e sa kohë në forma të ndryshme ka insistuar që të ndryshohet rasti i ambasadorit Martin Berishaj. Ne si parti këtë rast e kemi kualifikuar si aferë korruptive dhe shumë të rrezikshme në shumë dimensione. Sikur e patë sot, doli edhe zyrtarisht të jetë e tillë. AKK ka ngritur kallëzim penal kundër Martin Berishajt, i tille çfarë ishte si rast ka hapur shumë pyetje dhe dilema ndërkaq për këtë rast nga ana e pushtetarëve ka pasur pak e hiç përgjigje dhe ato ishin të çuditshme dhe të paargumentuara, e për rrjedhore kjo ka ngjallur me të drejtë dyshime te shumta”, tha Abdullahu në konferencë për media.
“Për ne si PDK, ka qenë skandaloze se edhe përkundër fakteve që janë sjell më herët, ambasadori Martin Berishaj është mbrojtur nga pushtetarët aktual, madje edhe nga Kryeministri edhe nga Presidentja”, shtoi zëdhënësi i PDK-së.
“Pse ky ambasador është mbrojtur me kaq konsekuencë?”, ishte pyetja që Abdullahu shtroi në konferencë, duke e cilësuar si enigmë gjithë këtë.
“Qëndrimet e kryeministrit dhe presidentes ishin ndërhyrje e pastër në sistemin e drejtesisë. Ku mbetën 600 mijë euro të ketij personi i cili ka qene anetar i VV-së, dhe punëtor i kësaj partie në Slloveni e gjithandej Evropës, e në veçanti të Kurtit si politikan”.
PDK kërkon që ambasdori Berishaj të shkarkohet urgjentisht, që të mundesohet hetimi i drejtë dhe i papenguar, edhe pse kjo është dashur të behet edhe më herët.
Agjencia Kundër Korrupsionit ka dorëzuar kallëzim penal ndaj ambasadorit Martin Berishaj, i cili dyshohet se është përfshirë në një skandal financiar përmes kompanisë së tij të regjistruar në Mal të Zi.
Në maj të këtij viti, Gazeta Online Reporteri.net publikoi një hulumtim përmes të cilit u dokumentua se dy milionë Euro kanë hyrë në xhirollogaritë e “MB Consulting”, biznesin e Martin Berishajt në Mal të Zi, në më pak se 5 vite – nga fundi i vitit 2016 deri në vitin 2020.
Reporteri.net zbuloi se ndonëse u themelua nga gjysma e dhjetorit të vitit 2016, biznesi në Mal të Zi i ambasadorit të Kosovës në Kroaci në të njëjtin vit rezulton se ka qarkulluar rreth 100 mijë Euro të hyra, derisa viti më i begatshëm për “MB Consulting” me Martin Berishajn të vetmin pronar dhe të vetmin të punësuar, rezulton të jetë viti 2017 kur biznesi i tij regjistroi rreth 1 milionë Euro të hyra.
Të tjera
-
LDK nuk i shkon kryeministrit Albin Kurti në darkë
Kryetari i LDK-së, Lumir Abdixhiku, ia ka kthyer letrën kryeminsitrit Albin K...
-
Prince Caffe hyn në tregun e Belgjikës
Prince Caffe ka filluar shtrirjen në tregun e Belgjikës, duke u bashkuar me d...
-
Presidentja Vjosa Osmani pozon si “sherife” në Texas
Presidentja e Kosovës, Vjosa Osmani, prej disa ditësh është duke qëndruar në ...
-
Loja s’ka nisur akoma, Ali Ahmeti publikon “Deklaratën e përbashkët të partive shqiptare”
Kryetari i Bashkimit Demokratik për Integrim (BDI) Ali Ahmeti publikoi “Dekla...
-
Xhamia e shkatërruar në luftën e Bosnjës ngrihet nga rrënojat
Për gati 400 vjet, një xhami osmane e shekullit të 16-të ishte në Banjallukë,...
-
Arrestohet një serb për vepra penale kundër rendit kushtetues të Kosovës
Prokuroria Speciale ka njoftuar se ka arrestuar një person me inicialet S.M.,...
-
Temat e mëdha e kthejnë Kurtin tek opozita, darka e 13 majit si lutje për votë në Kuvend?
Tema e anëtarësimit në Këshill të Evropës dhe votimi i Kodit Civil janë dy çë...
-
Nisin takimet VMRO – VLEN, për qeverinë e re në Maqedoninë e Veriut
Kryetari i VMRO-DPMNE, Hristijan Mickoski është takuar me liderët e koalicion...
-
Memli Krasniqi i thotë “PO” ftesës së Kurtit për takim, LDK e AAK ende nuk kanë vendosur
Kryetari i PDK-së, Memli Krasniqi, do t’i përgjigjet ftesës për një takim pun...
-
Abdixhiku takon kompozitorin Boshnjaku: Idetë e tij do t’i përfshijmë në “Rruga e Re”
Kryetari i LDK-së, Lumir Abdixhiku, ka takuar kompozitorin Florent Boshnjakun...
-
Policia e Kosovës i shqiptoi mbi 2 mijë e 100 gjoba në trafik për 24 orë
Policia e Kosovës njofton se për 24 orë, ka shqiptuar 2140 gjoba në trafik. ...
-
A do të shkojnë në darkën e punës të thirrur nga Kurti, flasin nga PDK
Kryeministri i Kosovës, Albin Kurti, i ka ftuar në një darkë pune liderët e t...