Fokus

PDK konfirmon se janë ftuar në takim nga Vjosa Osmani, tregojnë a do të marrin pjesë

Autori: Gazeta inFokus 15:02 | 12 May 2025

Partia Demokratike e Kosovës (PDK) ka konfirmuar pjesëmarrjen në takimin e ftuar nga Presidentja e Republikës, Vjosa Osmani, pas ngërçit të vazhdueshëm politik për formimin e institucioneve të reja.

Zëdhënësi i PDK-së, Faton Abdullahu, ka thënë për Gazetën Infokus se Kryetari i partisë, Memli Krasniqi, e ka pranuar ftesën dhe do të marrë pjesë në takimin që pritet të mbahet të enjten.

“Po, Kryetari Memli Krasniqi ka pranuar ftesën për takim nga Presidentja Vjosa Osmani. Na vjen mirë që, ashtu siç ka propozuar PDK, po ndërmerren hapa institucionalë që shpresojmë se mund të jenë ndihmues për të dalë nga kriza politike dhe për të hapur rrugën drejt krijimit të institucioneve të reja”, ka deklaruar Abdullahu.

-Advertisement-

Ai theksoi se PDK do të shkojë në takim me qasje konstruktive, duke i vënë në rend të parë interesat e qytetarëve.

“Kryetari Krasniqi do të marrë pjesë në takim, me shpresën që të gjitha partitë të kontribuojnë me konstruktivitet dhe të vendosin interesin e qytetarëve mbi interesat partiake. Kosova ka nevojë për institucione të reja sa më parë”, përfundoi Abdullahu.

Takimi i thirrur nga Presidentja Osmani vjen pas bllokimit të disa tentativave për zgjedhjen e Kryetarit të Kuvendit dhe formimin e qeverisë, pas zgjedhjeve të 9 shkurtit.

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

fokus