Grupi i Këshilltarëve komunal të PDK-së në Prishtinë ka reaguar pas publikimit të përgjimeve ku janë përfshirë dy zyrtarë komunal dhe aktivistë të Lëvizjes Vetëvendosje, duke thënë se janë dëmtuar 190 biznese, madje ata kanë kërkuar të nisin hetimet nga organet e drejtësisë.

Në emër të këshilltarëve komunal të PDK-së, foli, Kumrie Shabani, e cila në një konferencë për media, ka ngritur shqetësimin lidhur me përgjimet e publikuara së fundmi nga mediat, në të cilën janë përfshirë Nexhat Kryeziu, drejtor i ndërmarrjes banesore në Prishtinë dhe ish kandidatë për deputet kryetar të komunës së Prishtinës nga Lëvizja Vetëvendosje dhe Liridon Latifi, kryesues i bordit të kësaj ndërmarrje dhe aktivistë siç tha ajo i dhunshëm i Vetëvendosjes.

Sipas saj, anulimi i konkursit për dhënien me qere të lokaleve afër Katedrales në Prishtinë për shkak se dy militantët e Vetëvendosjen nuk kanë përfituar nga ky konkurs, tregon më së miri si është kap kjo ndërmarrje dhe institucionet tjera komunale.

“Keqpërdorimi i zyrtarëve të Vetëvendosjes me pushtetin, eliminoi 190 biznese që kanë aplikuar për marrjen e lokaleve në lagjen Pejton. Ky veprim abuziv dhe i kundërligjshëm i zyrtarëve të lartë i Lëvizjes Vetëvendosje, i ndërmarrë me urdhrin e Albin Kurtit tregon se ky subjekt politik ka tentuar çdo gjë në vend për të ardhur në pushtet dhe përmes pushtetit të keqpërdorë edhe më shumë. Si pasojë e këtyre veprimeve qytetarët e Prishtinës si në mandatin e kaluar, ashtu edhe në këtë mandat po vuajnë nga padrejtësitë që po iu bëhen votuesve dhe bizneseve, derisa shumica e tyre marrin edhe shërbime shumë të dobëta nga komuna e Prishtinës. Kërkojmë nga organet e drejtësisë të zhvillojnë hetime dhe keqpërdoruesit dhe keqpërdoruesit e pozitave zyrtare që janë brenda komunës së Prishtinës të vihen para drejtësisë”, tha ai.

Sipas saj, PDK nuk do të përkrah sjelljen hakmarrëse që po përkrah Lëvizja Vetëvendosje ndaj partisë së Shpend Ahmetit, siç nuk do të përkrah as neglizhencën që po e bën Shpend Ahmeti.

Kurse, Leotrim Retkoceri  tha se vetëm në një seancë të rregullt ka qenë prezent Shpend Ahmeti.

“Qëndrimi ynë është që të vjen kryetari Shpend Ahmeti në seancën e ardhshme dhe të përgjigjet ai për situatën e krijuar, si dhe të sillet më i përgjegjshëm karshi problematikave të qytetarëve në komunën e Prishtinës dhe ne i bëjmë thirrje nga këtu që të vije sa më parë në seancën e radhës dhe të mos ikë dhe mos të sillet neglizhent”, tha ai.

BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Sponsoruar