Lajme

PDK javën e ardhshme e dërgon në Kushtetuese vendimin e Supremes për vendimin e ZRrE-së

Autori: Gazeta inFokus 16:15 | 06 July 2022

Partia Demokratike e Kosovës javën e ardhshme do ta dorëzojë në Gjykatën Kushtetuese vendimin e Gjykatës Supreme lidhur me vendimin e Zyrës së Rregullatorit të Energjisë për shtrenjtim të tarifave.

Kështu ka deklaruar deputetja e PDK-së, Blerta Deliu-Kodra, e cila tha se partia e saj do ta vazhdojë betejën juridike për të mbrojtur interesat e qytetarëve.

“PDK në javën e ardhshme do të dorëzojë në Gjykatën Kushtetuese vendimin e Supremes sepse ne jemi të bindur se është vendim i paarsyeshëm dhe është vendim që ka dëmtuar qytetarët e Kosovës. Nuk do të ndalemi, do ta vazhdojmë rrugën tonë ligjore e juridike për të mbrojtur interesin e qytetarit”, u shpreh ajo.

-Advertisement-

Sipas saj, ZRrE nuk ka zbatuar vendimet e gjykatave të Kosovës dhe po ashtu është ankimuar ndaj një konstatimi të Avokatit të Popullit që konstaton shkelje të të drejtave të njeriut.

“Në vend që ky bord të merr përsipër që vendimet e gjykatave të respektohen, anëtarët e këtij bordi vazhdojnë të shndërrohen në shembull të keq të sundimit të ligjit për të cilin zotëri Kurti ka fol gjatë. Ata nuk i respektojnë vendimet e gjykatave dhe nuk kthejnë tarifat për të cilat është marr masë pezulluese. Natyrisht që i njëjti Bord ka vazhduar sagën për të kërcënuar institucionet e pavarura, ka pasur ankimimin ndaj Avokatit të Popullit, i cili konstaton se me rastin e tarifimit të energjisë elektrike me çmime të larta që ka dëmtuar rreth 400 mijë qytetarë të Kosovës, ka pasur shkelje të të drejtave të njeriut, bordi zgjedh që të ankimojë dhe të ankohet pikërisht tek Avokati i Popullit, që mision të tij ka mbrojtjen e të drejtave të qytetarëve të Kosovës”, u shpreh ajo.

Subscribe në YouTube: GAZETA INFOKUSI
Etiketa:
Rëndësia e komunikimit efektiv midis Familjes dhe Kopshtit

Të tjera

Fokusi

lajme