Lajme

PDK e pavendosur për pjesëmarrje në tryezën e LDK-së

Autori: Gazeta inFokus 11:49 | 25 April 2018

Sot në orën 13:00 LDK ka ftuar partitë politike për të diskutuar për datën e zgjedhjeve të parakohshme.
Partia Demokratike e Kosovës ende nuk ka vendosur se a do të marri pjesë në tryezën e thirrur të LDK-së, ku synohet të diskutohet për zgjedhjet e parakohshme.

Lidhja Demokratike e Kosovës njoftoj një ditë më parë se u ka dërguar ftesa zyrtare të gjitha partive që të marrin pjesë në tryezë, mirëpo PDK nuk e sheh të rëndësishme shkuarjen në një takim të tillë.

“Jo ende nuk kemi vendosur nëse do të shkojmë”, ka thënë shkurt për lajmi.net, deputetja e PDK-së, Blerta Deliu.

-Advertisement-

Në lidhje me pjesëmarrje në këtë tryezë nuk ka konfirmim zyrtar as nga Grupi i Deputetëve të Pavarur. Deputetja e këtij grupi, Shqipe Pantina, në një bisedë telefonike për lajmi.net, e ka cilësuar të rëndësishëm takimin.

Kujtojmë, se Aleanca për Ardhmërinë e Kosovës, Nisma Socialdemokrate dhe Aleanca Kosova e Re kanë konfirmuar pjesëmarrjen në takim.

Subscribe në YouTube: GAZETA INFOKUSI